Niamieckaja palicyja zatrymała mužčynu, jaki zapuściŭ dron nad aeraportam Frankfurta
Ranicaj 3 kastryčnika niamieckaja palicyja zafiksavała dron u zachodniaj častcy aeraporta Frankfurta. Nieadkładna pačalisia pošuki apieratara, jakija ŭviančalisia pośpiecham — zatrymany 41‑hadovy charvat.
Suprać zatrymanaha raspačali sprava ab administracyjnym pravaparušeńni. Viadziecca rasśledavańnie, ź jakoj metaj jon zapuskaŭ dron. Pra heta havorycca ŭ sakretnaj spravazdačy palicyi, jakuju atrymała vydańnie Bild.
Na poŭnačy Niamieččyny taksama adbylisia incydenty z dronami. U Nižniaj Saksonii palicyja dniom 4 kastryčnika zafiksavała BPŁA nad składam bojeprypasaŭ kala horada Jeviera. Jaho pachodžańnie nieviadomaje, rasśledavańnie pakul nie dało vynikaŭ.
2 kastryčnika jašče try drony byli zaŭvažanyja ŭ Hifchornie. Jany ruchalisia na vyšyni kala 100 mietraŭ z chutkaściu da 100 km/h; niepadalok ad miesca ich vyjaŭleńnia znachodzicca baza avijaatrada palicyi.
Krainy Jeŭrasajuza nie zmahli damovicca pra stvareńnie «ściany ad dronaŭ»
Na poŭnačy Hiermanii zaŭvažyli niekalki bieśpiłotnikaŭ
Aeraport Miunchiena znoŭ zakryvali z-za palotaŭ dronaŭ
Aeraport Miunchiena nočču prypyniaŭ pracu z-za paviedamleńniaŭ pra bieśpiłotniki
«Inakš nielha, biaśpieka — pierš za ŭsio». Aktoberfest časova zakryli z-za pahroz z boku levaradykałaŭ
Kamientary