Za zbornuju Biełarusi debiutavaŭ biełarus, jaki hulaje ŭ čaćviortym dyvizijonie Ispanii
U matčy adboračnaha turniru čempijanatu śvietu pa futbole suprać Danii, jaki skončyŭsia razhromam biełarusaŭ ź likam 0:6, za zbornuju Biełarusi debiutavaŭ 22‑hadovy Lea Maskara-Kapilevič.
Lea naradziŭsia 22 hady tamu ŭ siamji biełaruski, što pierabrałasia ŭ Ispaniju, i miascovaha žychara. Vystupaŭ spačatku za kłub čaćviertaha dyvizijona «Sievilja Atletyka», jaki źjaŭlajecca filijałam kłuba «Sievilja». A ŭletku pierabraŭsia ŭ «Rekreatyva» z Uelvy.
Leanarda raniej vyklikaŭsia ŭ skład biełaruskaj junackaj zbornaj i navat zhulaŭ dva matčy.
Vyklikaŭsia i ŭ 2023 hodzie trenieram nacyjanalnaj zbornaj Karłasam Ałosam, ale debiutavaŭ tolki zaraz.
Učora Maskara-Kapilevič zhulaŭ uvieś matč.
Jahonaje «Rekreatyva» ŭ svaim pieršynstvie idzie na 2‑m miescy ŭ zonie pierachodnych matčaŭ, adstajučy ad pieršaha miesca, što daje pramy vychad u treci dyvizijon, na try bały.
Kłub u svoj čas pravioŭ piać siezonaŭ u vyšejšym ispanskim dyvizijonie (prymiera), u siezonie 2006‑2007 navat byŭ vośmym, ale ŭ nastupnym siezonie vylecieŭ z prymiery.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2222
Kamientary