«Inakš nielha, biaśpieka — pierš za ŭsio». Aktoberfest časova zakryli z-za pahroz z boku levaradykałaŭ
Paśla vybuchaŭ i pažaru ŭ paŭnočnaj častcy Miunchiena najbujniejšaje narodnaje śviata Hiermanii apynułasia pad pahrozaj. Pavodle infarmacyi Bild, palicyja znajšła list z pahrozami ŭ adras Aktoberfesta i parekamiendavała nie adkryvać fiestyval, pakul nie budzie vyklučanaja niebiaśpieka.
«Palicyja zrobić usio, kab da 17:00 całkam pravieryć terytoryju. Kali heta nie atrymajecca, Aktoberfest siońnia nie adkryjecca. Prabačcie, ale inakš nielha, biaśpieka — pierš za ŭsio», — zajaviŭ burhamistr Miunchiena Dyter Rajter.
Pavodle jaho słoŭ, rašeńnie ab zakryćci niepasredna źviazana z rasśledavańniem pažaru i znojdzienymi dokazami.
Palicyja taksama vyvučaje mahčymuju suviaź pahroz ź levaradykalnymi hrupoŭkami. Na adnym z sajtaŭ krajnich levych źjaviŭsia tekst pad nazvaj «Antyfa — značyć ataka», dzie nieviadomyja asoby zajavili pra namier padpalvać aŭtamabili i napadać na ludziej u Miunchienie. Pradstaŭnik palicyi adznačyŭ, što ŭsie viersii praviarajucca.
Siońnia ranicaj u Miunchienie adbyłosia niekalki vybuchaŭ, zahareŭsia žyły dom. Unutry zharełaha budynka byŭ znojdzieny mužčyna, jaki skončyŭ žyćcio samahubstvam. Śledstva pakul nie ŭstanaviła, ci jość pramaja suviaź pamiž hetymi padziejami i pahrozami ŭ adras Aktobierfesta.
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie7
Kamientary
Prytok naftadalaraŭ tłumić arabam hołaŭ i tyja lezuć u palityku inšych krain
Brytanija dehraduje pad uładaj lejbarystaŭ
Izrail znoŭ pieramahaje vajnu z arabami, ale aśvistany za heta ŭsimi
Ehamańjak u Biełym domie zmahajecca z unutranymi vorahami
Sproby centralizacyi ŭłady ŭ Indyi skančvajucca etničnymi kanfliktami
Isłamisty ŭ Sudanie viaduć paŭzučuju isłamizicyju, jakaja pierarastaje ŭ hienacyd
I h.d. i h.d.
Ab bananavych respublikach: na Haici baćka Dok pamior.