Amierykanskaja raźviedka: Pucin jak nikoli raniej ćviordy ŭ namiery praciahvać vajnu
Raźviedsłužby nie bačać prykmiet hatoŭnaści Rasii da kampramisu pa Ukrainie, niahledziačy na sproby prezidenta ZŠA Donalda Trampa sadziejničać praviadzieńniu mirnych pieramovaŭ.
U hetym miesiacy členam Kanhresu ZŠA byŭ pieradadzieny analiz amierykanskich raźviedvalnych słužbaŭ, ź jakoha vynikaje, što Uładzimir Pucin ciapier jak nikoli raniej ćviordy ŭ namiery praciahvać vajnu, paviedamlaje «Ahienctva».
Jak paviedamili NBC News vysokapastaŭleny pradstaŭnik administracyi ZŠA i vysokapastaŭleny pradstaŭnik Kanhresu, pradstaŭleny analiz ukazvaje na toje, što raźviedsłužby nie bačać prykmiet hatoŭnaści Rasii da kampramisu pa Ukrainie, niahledziačy na sproby prezidenta Donalda Trampa sadziejničać praviadzieńniu mirnych pieramovaŭ.
Biahučaja acenka ŭpeŭnienaści Pucina ŭ pieramozie va Ukrainie supastaŭnaja z acenkaj pazicyi Kramla ŭ lutym 2022 hoda, jakuju davali zachodnija raźviedki. Ličycca, što Pucin navat umacavaŭsia ŭ žadańni praciahvać vajnu, kažuć dźvie krynicy vydańnia.
Pucin, zhodna z analizam amierykanskich raźviedvalnych słužbaŭ, nastrojeny na zachop ukrainskich terytoryj i pašyreńnie ŭpłyvu Rasii, kab apraŭdać čałaviečyja i finansavyja straty, paviedamili krynicy NBC.
U Biełym domie admovilisia kamientavać acenku raźviedsłužbaŭ, spasłaŭšysia na publičnyja zajavy Trampa ab jaho namahańniach pa dasiahnieńni mirnaha pahadnieńnia.
Za apošnija miesiacy Bieły dom zrabiŭ surjoznyja kroki pa ŭzmacnieńni cisku na Rasiju.
Ź leta ZŠA pačali pieradavać Ukrainie raźvieddanyja dla ŭdaraŭ pa rasijskaj enierhietyčnaj infrastruktury, što, vidać, paŭpłyvała na efiektyŭnaść udaraŭ pa rasijskich NPZ.
U vieraśni administracyja Trampa ŭchvaliła pieršuju vajennuju dapamohu Ukrainie, apłačanuju sajuźnikami pa NATO.
Taksama amierykanskija ŭłady pačali razhladać mahčymaść pastavak Kijevu dalnabojnych rakiet, u tym liku Tomahawk, ale Tramp pakul admoviŭsia heta rabić.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy49
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary