Barys Chamajda na Dziady naviedaŭ miesca masavych stalinskich rasstrełaŭ u Viciebskim rajonie
Viadomy viciabčuk Barys Chamajda na Dziady adviedaŭ mohiłki siabroŭ i miesca masavych stalinskich rasstrełaŭ kala vioski Palai, što ŭ Viciebskim rajonie. U roznyja hady paminalnyja imprezy prachodzili pa-roznamu: byvali takimi masavymi, što davodziłasia zamaŭlać aŭtobus, kab źmiaścić usich achvotnych, a byvali i takija, jak sioleta — kali da Barysa Chamajdy dałučalisia ŭsiaho 1‑2 čałavieki, pišuć viciebskija pravaabaroncy.
Hetaj tradycyi ŭžo amal 20 hadoŭ. Samy pieršy raz Barys Chamajda naviedaŭ mohiłki na Dzień pamiaci ŭ 2006 hodzie — kali pryjazdžaŭ na mahiłu svajho najbližejšaha paplečnika Uładzimira Pleščanki, jakoha nie stała ŭ toj hod. U svoj čas Pleščanka ŭznačalvaŭ Viciebskuju arhanizacyju KCHP BNF, byŭ adnym z arhanizataraŭ supracivu HKČP u Viciebsku ŭ žniŭni 1991 hoda. Jaho pachavali na Falkoŭščynskich mohiłkach kala vioski Drukava, hrošy na pomnik źbirali hramadoj. Štohod Barys Chamajda pryjazdžaje na miesca spačynu svajho siabra.
Šmat adnadumcaŭ Chamajdy pachavanyja na haradskich mohiłkach «Kopci». Mohiłki vialikija, ale siabry razam z Barysam Chamajdam zaŭsiody imknulisia abyści ŭsie darahija mahiły.
Apošnim punktam padarožža pamiaci zaŭsiody byŭ miemaryjał kala vioski Palai. U lesie la Palajoŭ lažać sotni, a mahčyma, i tysiačy nieviadomych achviar stalinskaha režymu. Pra hetaje miesca stała viadoma ŭ kancy 1980‑ch dziakujučy ŭspaminam miascovych žycharoŭ.
«Tam, u lesie, u 50 mietrach ad šašy, staić vialiki mietaličny kryž z nadpisam «Achviaram tatalitarnaha režymu». Pakłali kvietki, zapalili śviečku. Pračytaŭ malitvu za Biełaruc», — napisaŭ Barys Chamajda ŭ fejsbuku.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary