Zialenski raskazaŭ pra kanflikt Fiodarava z Syrskim, jaki pryvioŭ da zvalnieńnia ministra abarony Ukrainy
Prezident Ukrainy Uładzimir Zialenski patłumačyŭ, što adnoj z pryčyn zvalnieńnia byłoha ministra abarony Michaiła Fiodarava byŭ kanflikt pamiž Ministerstvam abarony Ukrainy i vajennym kamandavańniem.
Pavodle jaho słoŭ, Minabarony pavinna adkazvać za zabieśpiačeńnie vojska, tady jak praviadzieńnie apieracyj i kiravańnie armijaj naležyć da kampietencyi vajennych, piša «Suśpilnie».
«Nie moža być kanfliktu na takim uzroŭni miž kiraŭnikami. Jość taja ci inšaja apieracyja na poli boju — joj zajmajucca niepasredna vajennyja. Zabieśpiačeńniem zajmajecca Ministerstva abarony Ukrainy. Kali chtości zachodzić u śfieru adkaznaści inšaha, heta niepaźbiežna pryviadzie da kanfliktu. I kanflikt adbyŭsia — i vielmi surjozny», — skazaŭ Zialenski.
Pavodle jaho słoŭ, na pačatku pracy Fiodarava ŭ Minabarony jany damaŭlalisia pra raźmiežavańnie paŭnamoctvaŭ. Zialenski taksama zhadaŭ prezientacyju kancepcyi «ministerstva vajny», pry jakoj načalnik Hienštaba faktyčna musiŭ by padparadkoŭvacca ministru abarony. Zialenski paprasiŭ admovicca ad takoj madeli, adnak Fiodaraŭ namahaŭsia realizavać padobny padychod inšymi sposabami. Syrski, u svaju čarhu, «pačaŭ adkazvać svajoj biurakratyjaj na inšuju biurakratyju», dadaŭ Zialenski.
Padčas adnoj z sustreč Fiodaraŭ prapanavaŭ «sumlenna zvolnić abodvuch». Zialenski adkazaŭ, što kadravyja rašeńni buduć pryniaty paśladoŭna, bo nie ličyŭ mahčymym adnačasova źmianiać i ministra abarony, i hałoŭnakamandujučaha padčas vajny.
Zialenski taksama zajaviŭ, što Fiodaraŭ i Syrski faktyčna pierastali kamunikavać napramuju i abmiarkoŭvali pytańni tolki padčas sustreč u jaho kabiniecie.
Za dva tydni da kadravaha rašeńnia jon prapanavaŭ im sustrecca samastojna i ŭrehulavać supiarečnaści, adnak hetaha nie adbyłosia.
U toj ža čas Zialenski padkreśliŭ, što pazityŭna stavicca da Fiodarava i adznačyŭ jaho vyniki ŭ śfiery ličbavizacyi. Paśla rašeńnia pra źmienu kiraŭnictva Minabarony prezident Ukrainy, pavodle jaho słoŭ, čatyry razy prapanoŭvaŭ jamu roznyja varyjanty dalejšaj pracy.
«Ja prapanavaŭ jamu 4 razy roznyja farmaty dalejšaj pracy ŭ kamandzie na našu dziaržavu. Zvyčajna ja nie sustrakajusia ź ludźmi 4 razy, kab im prapanavać pracu. (…) Michaił admoviŭsia ad usich 4 prapanoŭ. Nu što ž, heta jaho vybar», — skazaŭ Zialenski.
Michaiła Fiodarava źniali z pasady ministra abarony Ukrainy 15 lipienia.
Były ministr abarony Fiodaraŭ zaklikaŭ pravieści va Ukrainie vybary
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Michaił Fiodaraŭ paćvierdziŭ, što pryčyna jaho adstaŭki — kanflikt z hałoŭnakamandujučym USU Syrskim
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Vam chočacca bačyć cuda cudoŭnaje i voś jano! Palittechnałohii hetak i pracujuć, asabliva ź nieakrepšymi maładymi umami. Nu i jak ža, pakryŭdžana-zvlnienaha abaraniać heta ž śviataja sprava!