Ryžankoŭ spadziajecca na viartańnie «narmalnych adnosin» z Polščaj
Ministr zamiežnych spraŭ Biełarusi Maksim Ryžankoŭ vykazaŭ nadzieju, što adkryćcio Polščaj dvuch pamiežnych pierachodaŭ — «Kuźnica» i «Babroŭniki» (ź biełaruskaha boku «Bruzhi» i «Bierastavica» — stanie krokam da viartańnia «narmalnych adnosin» pamiž dźviuma krainami.
U kamientary telehram-kanału «Vriemia piervoho» Ryžankoŭ adznačyŭ, što polski bok prajaviŭ paśladoŭnaść u svaich rašeńniach i što vielmi važna, polskija palityki prysłuchoŭvajucca da hramadskaj dumki i vykonvajuć abiacańni. Čynoŭnik padkreśliŭ, što adnaŭleńnie ruchu praź miažu stvaraje stanoŭčuju atmaśfieru i spryjaje naładžvańniu suviaziaŭ pamiž ludźmi i biznesam, a ŭžo paśla — pamiž palitykami.
Pavodle jaho słoŭ, ludzi na miažy zadavolenyja adkryćciom pierachodaŭ, i zrabić heta varta było daŭno.
Taksama Maksim Ryžankoŭ zajaviŭ, što Polšča pakazała Litvie prykład «žorstkaha, narmalnaha prahmatyzmu».
17 listapada Polšča adnaviła pracu dvuch punktaŭ propusku na miažy ź Biełaruśsiu i čakaje vynikaŭ hetaha kroku ŭ najbližejšyja tydni. Litva ž nie vyklučaje, što moža adkryć svaje pierachody raniej za 30 listapada — u zaležnaści ad abstavin.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś24
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy88
Kamientary