Рыжанкоў спадзяецца на вяртанне «нармальных адносін» з Польшчай
Міністр замежных спраў Беларусі Максім Рыжанкоў выказаў надзею, што адкрыццё Польшчай двух памежных пераходаў — «Кузніца» і «Баброўнікі» (з беларускага боку «Брузгі» і «Бераставіца» — стане крокам да вяртання «нармальных адносін» паміж дзвюма краінамі.
У каментары тэлеграм-каналу «Время первого» Рыжанкоў адзначыў, што польскі бок праявіў паслядоўнасць у сваіх рашэннях і што вельмі важна, польскія палітыкі прыслухоўваюцца да грамадскай думкі і выконваюць абяцанні. Чыноўнік падкрэсліў, што аднаўленне руху праз мяжу стварае станоўчую атмасферу і спрыяе наладжванню сувязяў паміж людзьмі і бізнэсам, а ўжо пасля — паміж палітыкамі.
Паводле яго слоў, людзі на мяжы задаволеныя адкрыццём пераходаў, і зрабіць гэта варта было даўно.
Таксама Максім Рыжанкоў заявіў, што Польшча паказала Літве прыклад «жорсткага, нармальнага прагматызму».
17 лістапада Польшча аднавіла працу двух пунктаў пропуску на мяжы з Беларуссю і чакае вынікаў гэтага кроку ў найбліжэйшыя тыдні. Літва ж не выключае, што можа адкрыць свае пераходы раней за 30 лістапада — у залежнасці ад абставін.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці54
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары