U Tajłandzie ŭ chramie Wat Rat Prakongtham 65‑hadovaja žančyna niečakana «ažyła» za niekalki chvilin da zapłanavanaj kremacyi, paviedamlaje vydańnie The Bangkok Post.
Siamja pryviezła žančynu ŭ chram u trunie ŭ ramkach prahramy Final Home, jakaja dapamahaje ładzić pachavańni. Raniej miascovyja ŭłady paviedamili rodnym pra śmierć žančyny. Jaje małodšy brat śćviardžaŭ, što apošnija try hady dahladaŭ siastru i nie sumniavaŭsia ŭ aficyjnym paviedamleńni. Paśla afarmleńnia ŭsich dakumientaŭ cieła pieradali ŭ chram (asnoŭnaja častka nasielnictva Tajłanda — budysty, a jany niabožčykaŭ zvyčajna spalvajuć z vykanańniem relihijnych abradaŭ).
Adnak kali supracoŭniki chrama adkryli trunu pierad cyrymonijaj, jany zaŭvažyli ruch i nieadkładna spynili praces. Śviatar rasparadziŭsia adpravić žančynu ŭ balnicu i paviedamiŭ siamji, što chram apłacić lačeńnie.
Miedyki vyśvietlili, što ŭ žančyny nie było prykmiet spynieńnia serca ci dychańnia. Pamyłkovaje paviedamleńnie pra śmierć adbyłosia z-za ciažkaj hipahlikiemii — rezkaha źnižeńnia ŭzroŭniu cukru ŭ kryvi, jakoje pryviało da stanu, padobnaha da kliničnaj śmierci.
Žančyna atrymała nieadkładnuju dapamohu i ciapier znachodzicca pad nahladam daktaroŭ. U chramie adznačyli, što ruch cieła zaŭvažyli litaralna za niekalki chvilin da pačatku kremacyi.
Kamientary
Ja pieršy z takim kamientarom?