Arhiencincy prajhravali Jehiptu 0:2, ale zmahli vyrvać pieramohu. Iznoŭ Miesi!
Zbornaja Arhienciny vyjšła ŭ čverćfinał čempijanatu śvietu pa futbole, pieramohšy Jehipiet ź likam 3:2. Pa chodzie druhoha tajma dziejnyja čempijony śvietu prajhravali 0:2, ale zdoleli zrabić jarki kambek.
U pieršym tajmie jehipcianie adkryli lik paśla rozyhryšu vuhłavoha — zabiŭ Jaser El-Chanafi. Nieŭzabavie Arhiencina atrymała prava na pienalci, ale zorny Lijanel Miesi nie zdoleŭ pierajhrać bramnika. Paśla taho da pierapynku arhiencincy šmat atakavali, adnak zraŭniać lik nie zmahli.
U druhoj pałovie sustrečy Jehipiet pavialičyŭ pieravahu da dvuch miačoŭ — adznačyŭsia Mastafa Zika. Paśla hetaha Arhiencina značna ŭzmacniła nacisk. Spačatku adzin hoł adyhraŭ Kryścijan Ramiera paśla pieradačy Miesi, a zatym sam kapitan arhiencincaŭ vyznačyŭsia dakładnym udaram i zrabiŭ lik roŭnym.
Pieramožny miač užo ŭ kampiensavany čas zabiŭ Enca Fiernandes paśla fłanhavaj pieradačy Łaŭtara Marcinesa. U vyniku Arhiencina pieramahła ź likam 3:2 i praciahnie baraćbu za tytuł.
Niahledziačy na niezabity pienalci, 39‑hadovy Miesi adznačyŭsia hołam i praciahnuŭ svaju vynikovuju sieryju na čempijanacie śvietu. Jon taksama dapamoh kamandzie arhanizavać adzin z hałoŭ i ŭnios vyrašalny ŭkład u valavuju pieramohu.
39‑hadovy arhienciniec z 8 hałami lidziruje ŭ śpisie najlepšych bambardziraŭ ČS-2026. Druhoje miesca dzielać francuz Kilijan Mbape i narviežac Erlinh Chołand (pa 7 hałoŭ), śledam idzie anhličanin Chary Kiejn (6 miačoŭ).
Usiaho ŭ Lijanela Miesi ciapier 21 hoł na čempijanatach śvietu. Jon uznačalvaje śpis najlepšych bambardziraŭ u historyi mundyjalaŭ. Druhim idzie Kilijan Mbape — u jaho 19 hałoŭ. Pry hetym arhienciniec pravioŭ 31‑iu hulniu, a ŭ francuza 19 matčaŭ. U niemca Mirasłava Kłoze 16 hałoŭ, u partuhalca Kryšcijanu Ranałdu — 15, pa 14 miačoŭ zabili Chary Kiejn i niemiec Hierd Miuler, jaki hulaŭ jašče ŭ 1970-ja.
«Hety dzikun čuŭ tolki pra šympanze». Parahvajskaja sienatarka spravakavała rasiscki skandał z Mbape
Kryšcijanu Ranałdu nie zmoh strymać śloz paśla vyletu Partuhalii z čempijanatu śvietu FOTAFAKT
Tramp paćvierdziŭ, što asabista prasiŭ kiraŭnika FIFA nie dyskvalifikoŭvać forvarda zbornaj ZŠA pierad 1/8 finału
Bielhija z hrukatam vybiła ZŠA z čempijanatu śvietu
Anhlijski paŭabaronca na mundyjali ŭmudryŭsia atrymać žoŭtuju kartku i surjoznuju traŭmu, navat nie vyjšaŭšy na pole
Kamientary
Tym nia mienš, heta kamanda Arhientyny naŭrad-ci zdolnaja skłaści kankurencyju francuzam, anhličanam, abo hišpancam, ale švajcaraŭ ci kałumbijcaŭ pavinna prajści. Ja tak liču.