Zvolnieny ŭčora Udovikaŭ pryznačany namieśnikam hienieralnaha prakurora Biełarusi
Hienprakuror Dźmitryj Hara aficyjna pradstaviŭ Siarhieja Udovikava kalektyvu Hienprakuratury.
Pryznačeńnie adbyłosia paśla zvalnieńnia Udovikava z papiaredniaha miesca pracy — napiaredadni jon byŭ zvolnieny sa słužby ŭ SK pa pahadnieńni bakoŭ.
Da hetaha pierachodu Siarhiej Udovikaŭ uznačalvaŭ upraŭleńnie Śledčaha kamiteta pa Minskaj vobłaści. Jaho zvolnili sa słužby ŭ Śledčym kamitecie z pravam našeńnia ŭstanoŭlenaj formy adzieńnia i znakaŭ adroźnieńnia.
Pierad tym, jak u krasaviku 2024 hoda stać kiraŭnikom upraŭleńnia Śledčaha kamiteta Minskaj vobłaści, Siarhiej Udovikaŭ kiravaŭ anałahičnym upraŭleńniem u Homielskaj vobłaści.
Mienavita padčas jahonaha kiravańnia strukturaj prachodziła pravierka pavodle fakta śmierci 11 žniŭnia 2020 hoda, padčas paślavybarčych pratestaŭ žychara Homiela Alaksandra Vichora.
U zaviadzieńni kryminalnaj spravy pa fakcie śmierci 25‑hadovaha Vichora tady było admoŭlena. Siarhiej Udovikaŭ tady zajaviŭ, što śmierć pratestoŭca nibyta nie mieła kryminalnaha charaktaru. Pavodle jaho słoŭ, siłaviki prymianili fizičnuju siłu «abhruntavana», a pryčynaj śmierci stała raptoŭnaje abvastreńnie zachvorvańnia sardečna-sasudzistaj sistemy. Pierałomy rebraŭ i hrudziny, jak śćviardžaŭ Udovikaŭ, uźnikli nibyta ŭ vyniku praviadzieńnia reanimacyjnych mierapryjemstvaŭ.
Sam Dźmitryj Hara ŭznačalvaŭ toj ža Śledčy kamitet pierad tym, jak pierajści ŭ Hienieralnuju prakuraturu. Tamu pryznačeńnie Siarhieja Udovikava vyhladaje jak uzmacnieńnie viedamstva znajomymi jamu ludźmi.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
[Zredahavana]
[Zredahavana]