U Hrecyi sudziać 55‑hadovuju vyčvarenku ź Biełarusi, jakaja prymušała dziaciej tancavać hołymi i zdymała porna ź imi
Razam ź joj byŭ nieviadomy mužčyna. Jana trymała dziaciej, a jon ździajśniaŭ raspusnyja dziejańni.
Prakuratura hrečaskaha Rodasa pieradała ŭ sud kryminalnuju suprać 55‑hadovaj žančyny ź Biełarusi. Joj vystavili abvinavačańni pa troch ciažkich artykułach, źviazanych z seksualnym hvałtam nad niepaŭnaletnimi bliźniatami — bratam i siastroj.
Adnak z paviedamleńnia hrečaskich ŚMI nie zrazumieła, kim prychodziłasia žančyna dzieciam.
Pavodle viersii śledstva, złačynstvy adbyvalisia ŭ pieryjad z červienia 2017 pa červień 2022 hoda. Abvinavačanaja razam ź nieviadomym mužčynam raździavała dziaciej, pakazvała im parnahrafiju i, z dapamohaj fizičnaha hvałtu i pahroz, prymušała ich da seksualnych dziejańniaŭ — jak z hetym mužčynam, tak i z saboj. Taksama śćviardžajecca, što jana ŭtrymlivała dziaciej, kab jany nie mahli ŭciačy, pakul toj mužčyna ździajśniaŭ nad imi raspusnyja dziejańni.
Žančynie taksama pradjaŭlena abvinavačańnie ŭ vyrabie dziciačaj parnahrafii: pavodle viersii abvinavačańnia, jana zdymała dziaciej na mabilny telefon i zachoŭvała atrymanyja fajły prynamsi niekatory čas.
Aprača hetaha epizodu, śledstva źviazvaje ź joj i inšyja vypadki: śćviardžajecca, što na plažy na Rodasie jana kłała haračyja kamiani i piasok u kupalniki dziaciej, a padčas ich vizitaŭ da jaje dadomu raździavała ich i prymušała tancavać hołymi.
Rasśledavańnie pačynałasia nie jak sprava pra seksualny hvałt, a jak pravierka mahčymych cialesnych paškodžańniaŭ u vyniku bytavoha hvałtu — paśla taho jak palicyja atrymała sihnał ad nastaŭnika dziaciej. Jany raskazali jamu pra hvałt, u tym liku seksualny, z boku abvinavačanaj i nieviadomaha mužčyny.
Adnak padčas dvuch dopytaŭ u palicyi Rodasa, praviedzienych u prysutnaści dziciačaha psichołaha, sami niepaŭnaletnija nie paćvierdzili toje, pra što raskazvali nastaŭnikam, i nie apisali vypadkaŭ seksualnaha hvałtu. Chłopčyk raskazaŭ, što žančyna kłała haračyja kamiani im u kupalniki i adnojčy prymusiła ich raździavacca i tancavać doma, a taksama što jany hladzieli videa z hołymi mužčynami ŭ internecie. Dziaŭčynka skazała, što abvinavačanaja dakranałasia da jaje intymnych častak cieła, prymušała ich tancavać hołymi pad muzyku z televizara i što treci, nieviadomy im mužčyna ździekavaŭsia ź ich.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary