U Rasii śpiecnaz zatrymaŭ ahresiŭnaha kryminalnika, jaki napiaredadni sprabavaŭ zapravicca biez čarhi i abražaŭ ludziej

Deficyt bienzinu ŭ Rasii pryvodzić da ŭtvareńnia vialikich čerhaŭ na aŭtazapraŭkach. Pry hetym, jak zvyčajna ŭ takich situacyjach, znachodziacca tyja, chto sprabuje prajechać biez čarhi.

Adzin z takich vypadkaŭ adbyŭsia na aŭtazapraŭcy ŭ pasiołku Uść-Ardynski Irkuckaj vobłaści Rasii. Adpaviednaje videa apublikavaŭ telehram-kanał «Krasnyj Irkutsk».

Adna z žančyn padyšła da nachabnika i paprasiła prybrać mašynu. Pry hetym jana papiaredziła kiroŭcu, što viadzie videazapis. Adnak uładalnik Audi Q7 zamiest taho, kab adjechać, krychu rušyŭ napierad, vidavočna sprabujučy napužać žančynu, jakaja stajała prosta pierad kapotam.

U hety momant da mašyny padyšoŭ palicejski, jaki praz adkrytaje akno z boku piaredniaha pasažyra pasprabavaŭ vyśvietlić, čamu mužčyna sprabuje padjechać da bienzakałonki biez čarhi. U adkaz jon pačuŭ tolki łajanku i źniavahi.

— Nie ryzykujcie, — spakojna adkazaŭ jamu palicejski.

Žančyna, jakaja zdymała ŭsio na kamieru, tym časam paraiła vyklikać dadatkovy narad palicyi.

Ale heta nie dapamahło. Mužčyna praciahvaŭ pavodzić siabie ahresiŭna.

— Ja ciabie znajdu, — paabiacała žančyna.

— Nie ryzykujcie, ludzi, — źviarnuŭsia palicejski ŭžo da jaje.

U hety momant bujan vyjšaŭ z mašyny i nakiravaŭsia ŭ bok palicejskaha. Ale pierad im stała žančyna.

— Lepš prybiary telefon, a to ja jaho, na*uj, razabju, — pryhraziŭ jon joj, paśla čaho pajšoŭ prosta na palicejskaha, jaki ŭ hety momant užo dastaŭ z kabury pistalet.

— Čaho ty ŭčapiŭsia ŭ pistalet? — spytaŭ mužčyna, ale dalej iści nie advažyŭsia i raźviarnuŭsia da svajoj mašyny.

— Małady čałaviek, vy razumiejecie, što parušajecie paradak? My pa piać hadzin tut staim, — zaŭvažyła žančyna z kamieraj.

— Mnie po*uj, kolki vy tut staicie, — adkazaŭ parušalnik i znoŭku pajšoŭ u nastup.

— Ja vam usim *balniki paraźbivaju na*uj, — praciahvaŭ jon pahražać.

— Ty ŭ kursie, što heta pradstaŭnik ułady? — pacikaviłasia žančyna, kali parušalnik znoŭ pajšoŭ na palicejskaha.

— Što ty z tym pistaletam? Davaj, stralaj. Voś ja! Pistalet, na*uj, uziaŭ, *ujesos, bł****, — praciahvaŭ nastupać mužčyna, prymušajučy palicejskaha adstupać.

Pavialičyć

Adnak nieŭzabavie viarnuŭsia da svajoj mašyny.

— Małady čałaviek! Vy tolki što ździejśnili złačynstva — źniavahu pradstaŭnika ŭłady, — skazała jamu žančyna.

— Idzi ty n****, karova dziravaja, — adkazaŭ mužčyna, ale ŭsio ž adjechaŭ u kaniec čarhi.

Na hetym kanflikt nie zaviaršyŭsia. Mužčyna znoŭ padyšoŭ da palicejskaha na aŭtazapraŭcy i pasprabavaŭ vyklikać jaho «na razmovu», patrabujučy rastłumačyć, «na kaho jon pistalet padniaŭ». Na dapamohu pradstaŭniku ŭłady padyšoŭ inšy mužčyna, a žančyna tym časam vyklikała narad palicyi.

Paźniej źjaviłasia novaje videa, na jakim parušalnik, zatrymany śpiecnazam, prosić prabačeńnia. Jak paviedamiła palicyja, suprać 36‑hadovaha «hieroja» raspačali kryminalnuju spravu pa artykułach ab pahrozie prymianieńnia hvałtu ŭ dačynieńni da pradstaŭnika ŭłady i ab jaho źniavazie.

Pavodle słoŭ samoha mužčyny, raniej jon užo byŭ sudzimy za kradziež i źniavahu pradstaŭnika ŭłady (artykuły 158 i 319 Kryminalnaha kodeksa Rasii). Za rulom padčas incydentu jon byŭ ćviarozy.

• 6
• 0
• 20
• 5
• 0
• 1
• 0
• 0