U Biełarusi suprać hrypu pryščepleny ŭžo bolš za 1 młn čałaviek. U dziaržaŭnych ustanovach achovy zdaroŭja vakcynacyja pravodzicca biaspłatna. Pra heta raspaviała namieśnik ministra achovy zdaroŭja — hałoŭny dziaržaŭny sanitarny doktar Biełarusi Śviatłana Niačaj, paviedamlajuć Minsk-naviny.
Pavodle słoŭ S. Niačaj, u krainie pavialičyłasia zachvorvańnie na vostryja reśpiratornyja infiekcyi — na minułym tydni jana vyrasła na 18 % u paraŭnańni z papiarednimi tydniami. U mnohim rost zachvaralnaści VRI źviazany z zakančeńniem vosieńskich školnych kanikuł, a taksama ź niespryjalnymi ŭmovami nadvorja.
Razam z tym, pavodle vynikaŭ łabaratornych daśledavańniaŭ, na terytoryi krainy cyrkulujuć pieravažna niehrypoznyja reśpiratornyja virusy (adenavirusy, rynavirusy i inš.). Adnak rehistrujucca i adzinkavyja vypadki virusaŭ hrypu A/H1N1 i A/H3N2.
Tamu tym, chto jašče nie paśpieŭ pryščapicca suprać virusa, važna heta zrabić. Vakcynacyja pravodzicca biaspłatna ŭ dziaržaŭnych ustanovach achovy zdaroŭja. Asabliva važna pryščapicca suprać hrypu pažyłym ludziam i tym, u kaho jość vysokija ryzyki zaražeńnia i ciačeńnia chvaroby. Hryp niebiaśpiečny ciažkimi ŭskładnieńniami, jakija možna papiaredzić vakcynacyjaj.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary