U Hruzii pradajucca vielmi niasmačnyja biełaruskija katlety. Ale ci nasamreč jany biełaruskija?
Błohierka z Batumi Anastasija paskardziłasia ŭ Threads na jakaść zamarožanych kurynych katlet «Paparać-kvietka», na ŭpakoŭcy jakich byŭ tavarny znak Dziaržynskaha miasakambinata. Pa jaje słovach, smak i kansistencyja katlet byli vielmi niepryjemnyja, «jak byccam z usich adkidaŭ pieramielenych z łapami kurej», piša Blizko.by.
Karystalniki ź Biełarusi, ubačyŭšy ŭpakoŭku, adznačyli, što heta, vidać, padrobka: na pradukcie nie było biełaruskaha štrychkoda, nazva była tolki na hruzinskaj movie, a aryhinalnaja ŭpakoŭka katlet ad «Dziaržynki» vyhladaje zusim inakš.
Na ŭpakoŭcy taksama byŭ nadpis Bulbaland, jaki niekatoryja ŭspryniali jak miascovaha vytvorcu, ale na samaj spravie heta nazva kramy biełaruskich tavaraŭ u Batumi. U instahram-akaŭncie handlovaha punkta vidać, što ŭ hetaj kramie možna sustreć i inšyja miasnyja pradukty, jakija padajucca jak «Dziaržynka», ale naŭrad ci takimi źjaŭlajucca.
Biełarusy padkreślili, što sam Dziaržynski kambinat takija katlety nie vyrablaje i nie vykarystoŭvaje vakuumnyja ŭpakoŭki. Usie pytańni pa jakaści treba nakiroŭvać da miascovaha pastaŭščyka Bulbaland.
Karystalniki sietki taksama paraili pierad pakupkaj biełaruskich praduktaŭ praviarać aficyjnyja sajty vytvorcaŭ i skład tavaru, kab paźbiehnuć padrobak.
Ekanomny racyjon. Jakija nabory praduktaŭ možna kupić u biełaruskich kramach za 5 rubloŭ?
Smak biełaruskaj palandvicy. Jak chobi byłoha palitviaźnia vyrasła ŭ nievialiki biznes
Niekatoryja «zamieńniki miasa» daloka nie biasškodnyja dla čałavieka
Niuchać, naciskać i pratykać videlcam. Jak nie stać achviaraj ašukanstva pry vybary miasa?
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty54
Kamientary