У Грузіі прадаюцца вельмі нясмачныя беларускія катлеты. Але ці насамрэч яны беларускія?
Блогерка з Батумі Анастасія паскардзілася ў Threads на якасць замарожаных курыных катлет «Папараць-кветка», на ўпакоўцы якіх быў таварны знак Дзяржынскага мясакамбіната. Па яе словах, смак і кансістэнцыя катлет былі вельмі непрыемныя, «як быццам з усіх адкідаў перамеленых з лапамі курэй», піша Blizko.by.
Карыстальнікі з Беларусі, убачыўшы ўпакоўку, адзначылі, што гэта, відаць, падробка: на прадукце не было беларускага штрыхкода, назва была толькі на грузінскай мове, а арыгінальная ўпакоўка катлет ад «Дзяржынкі» выглядае зусім інакш.
На ўпакоўцы таксама быў надпіс Bulbaland, які некаторыя ўспрынялі як мясцовага вытворцу, але на самай справе гэта назва крамы беларускіх тавараў у Батумі. У інстаграм-акаўнце гандлёвага пункта відаць, што ў гэтай краме можна сустрэць і іншыя мясныя прадукты, якія падаюцца як «Дзяржынка», але наўрад ці такімі з’яўляюцца.
Беларусы падкрэслілі, што сам Дзяржынскі камбінат такія катлеты не вырабляе і не выкарыстоўвае вакуумныя ўпакоўкі. Усе пытанні па якасці трэба накіроўваць да мясцовага пастаўшчыка Bulbaland.
Карыстальнікі сеткі таксама параілі перад пакупкай беларускіх прадуктаў правяраць афіцыйныя сайты вытворцаў і склад тавару, каб пазбегнуць падробак.
Эканомны рацыён. Якія наборы прадуктаў можна купіць у беларускіх крамах за 5 рублёў?
Смак беларускай паляндвіцы. Як хобі былога палітвязня вырасла ў невялікі бізнэс
Некаторыя «заменнікі мяса» далёка не бясшкодныя для чалавека
Нюхаць, націскаць і пратыкаць відэльцам. Як не стаць ахвярай ашуканства пры выбары мяса?
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары