Minčanku ŭ śniežni ŭdžaliła asa. Navukoviec rastłumačyŭ, jak takoje mahčyma
Pryčym adbyłosia heta ŭ minskaj kvatery.
Z Onliner źviazałasia Valeryja i raskazała, što siońnia ranicaj jaje niečakana ŭdžaliła asa. «Ja tolki paśpieła pračnucca i paciahnułasia da tumbački pa humku dla vałasoŭ, jak raptam ruku praciaŭ rezki bol, — kaža surazmoŭca. — Kali apamiatałasia, na padłozie zaŭvažyła asu. Ale ž ciapier śniežań, i navat dla kvatery žyvaja asa — heta niešta dziŭnaje!»
Ranica ŭ piatnicu ŭ Valeryi nie ŭdałasia z samaha pačatku: jaje ŭdžaliła asa. Sumnieńniaŭ u hetym nie było — nasiakomaje lažała na padłozie kala łožka.
— Ja vypiła antyhistaminny preparat, bo kiść pačała mocna aciakać, i tolki paśla zaniałasia pošukam pryčyny. Viadoma, ja zusim nie ździviłasia b, kali b heta adbyłosia, naprykład, uletku, ale kab u śniežni — navat ujavić sabie takoha nie mahła!
Adkul asa mahła źjavicca ŭ kvatery, i što ŭvohule adbyvajecca z hetym vidam nasiakomych zimoj, žurnalisty spytali ŭ kiraŭnika Centra navukovaha pčalarstva, zahadčyka halinovaj łabaratoryi Dźmitryja Rachmatulina:
— U adroźnieńnie ad pčoł, vosy i čmiali zimujuć paasobku — u vyhladzie tak zvanych połavaśpiełych samak, jakija na nastupny hod buduć farmavać novaje hniazdo.
I, u adroźnieńnie ad žyvioł, kuzurki nie ŭpadajuć u anabijoz, jak mnohija dumajuć. Dla nasiakomych charakternaja dyjapaŭza — zapavoleńnie pracesaŭ u arhaniźmie, pry jakim jany ŭsio adčuvajuć i mohuć navat abaraniacca.
Situacyja, chutčej za ŭsio, uźnikła tamu, što samka ŭtulnaje miesca dla zimoŭki znajšła ŭ niejkaj rečy, uvajšła ŭ dyjapaŭzu i spakojna zimavała. Ale paśla, naprykład, asa razam z hetaj rečču trapiła ŭ ciopłaje pamiaškańnie, sahrełasia — i ŭ jaje zapuścilisia bijałahičnyja pracesy.
Na dumku navukoŭca, kuzurka mahła pamylicca i «padumać», što ŭžo nadyšła viasna. Tamu, adčuŭšy niebiaśpieku, jana mahła atakavać i ŭdžalić. Dźmitryj adznačyŭ, što vosy mohuć traplać u kvateru razam ź ciopłymi rečami, harodninaj abo sadavinoj, jakija prynosiać z bałkona.
— Umoŭna kažučy: na bałkonie ŭ vas zachoŭvałasia palito, u jakim asa znajšła ŭtulnaje miesca i pajšła na zimoŭku. A kali vy zanieśli palito ŭ dom, jana vybrałasia z kišeni i ŭdžaliła vas. Heta narmalna z punktu hledžańnia vos, ale nienarmalna z punktu hledžańnia bijałahičnaha hadzińnika samoj asy.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary