U Lidzie pradali ŭčastak čyhunki ŭ pramzonie. Kolki kaštavała?
U Lidzie na aŭkcyjonie pradali ŭčastak čyhunki ŭ pramysłovaj zonie. Padčas tarhoŭ cana vyrasła amal udvaja — da 70 tysiač dołaraŭ. Pradaviec zadajecca pytańniem, što ź im buduć rabić, piša Hrodna.life.
«U nas kupili čyhunačny puć u Lidzie. U pramzonie. Pryčym handlavalisia zaciata. Kupili rejki i špały za 70 tysiač dołaraŭ. Pryčym, padobna, u pakupnika niama vytvorčaści pobač. Cikava, što jon ź imi budzie rabić?» — paviedamlajecca ŭ sacsietkach aŭkcyjonnaj placoŭki «IPM-Torhi».
Havorka idzie pra dva kiłamietry čyhunačnych puciej na ŭskrainie rajcentra, na vulicy Sasnovaj. Razam ź imi pradavalisia vosiem strełačnych pieravodaŭ i ŭčastak ziamli płoščaj bolš za 2,3 hiektara.
Idei, što možna zrabić z čyhunačnymi puciami ŭ Lidzie
Karystalniki aktyŭna abmiarkoŭvali, jak možna vykarystać niadaŭna pradadzienuju tupikovuju čyhunačnuju liniju. Siarod varyjantaŭ byli roznyja idei.
Niekatoryja mierkavali, što rejki prosta zdaduć na mietałałom. Inšy karystalnik zaŭvažyŭ, što čyhunka znachodzicca ŭ samym centry pramzony, vakoł puciej — mnostva pramysłovych pradpryjemstvaŭ, i kaliści linija naležała «Lidabudkanstrukcyi».
«Tak, utrymlivać čyhunačnuju liniju — składanaja zadača, ale ŭ taho, chto maje resursy na jaje nabyćcio, prablem z ekspłuatacyjaj nie budzie», — napisaŭ adzin z karystalnikaŭ.
A prosta zdavać rejki na mietał, na jaho dumku, było b nierazumna: hrošy nie viarnuć, a ŭvahu pravaachoŭnych orhanaŭ pryciahnuć lohka.
Byli i bolš niečakanyja viersii. Niechta vykazaŭ zdahadku, što kupla mahła słužyć «lehalizacyjaj srodkaŭ», atrymanych napaŭlehalnym sposabam.
Inšy pažartavaŭ, što, mahčyma, čałaviek u dziacinstvie maryŭ pra ŭłasnuju dziciačuju čyhunku.
Pakupnik niešta viedaje?
Nie abyšłosia i biez kreatyŭnych idej: niechta vykazaŭ zdahadku, što ŭłaśnik moža adkryć na linii čyhunačny bar abo arhanizoŭvać tam kvesty ci ekskursii.
Inšy karystalnik zaŭvažyŭ, što, chutčej za ŭsio, pobač jość ofisny budynak, a linija zaminała zabudovie praz achoŭnuju zonu. Vykupiŭšy rejki, možna budavać na vyzvalenaj ziamli.
Bolšaść kamientataraŭ schilałasia da varyjantu vykarystańnia vietki ŭ kamiercyjnych metach: stavić vahony pad pahruzku-razhruzku i brać płatu za pasłuhi.
Niekatoryja vykazali zdahadku, što pakupnik vałodaje bolš poŭnaj infarmacyjaj: naprykład, pra toje, što chutka znoŭ budzie ekspart uhnajeńniaŭ u ES.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary