U Minsku na hety momant pracujuć 59 hatelaŭ i jašče 19 padobnych miescaŭ raźmiaščeńnia, ahulnaja kolkaść miescaŭ u jakich składaje kala 13 tysiač. Pra heta 12 lutaha paviedamiła zahadčyca siektara raźvićcia turyzmu Kamiteta ekanomiki Minharvykankama Darja Šybieka, piša ahienctva «Minsk-Naviny».
Sa słoŭ čynoŭnicy, siaredniaja zapaŭnialnaść hatelaŭ u stalicy pieravyšaje 60%, a ŭ pikavyja daty dasiahaje 80—100%.
U 2025 hodzie ŭ Minsku adkryłasia dva novyja abjekty: trochzorkavy hatel u Łošyckim pałacava-parkavym kompleksie i piacizorkavy hatel na vulicy Janki Kupały, 27.
Darja Šybieka adznačyła, što ŭ horadzie pradstaŭleny hateli roznych katehoryj i cenavych siehmientaŭ, a najbolš papularnyja — troch– i čatyrochzorkavyja, jakija spałučajuć kamfort i dastupnyja ceny dla turystaŭ.
Taksama ŭ ramkach realizacyi dziaržaŭnaj prahramy «Turyzm» na 2026 hod zapłanavana rekanstrukcyja dvuch minskich hatelaŭ — «Na Zamkavaj» i «Na tym bierazie».
Kamientary