U Kalifornii z hor syšła łavina, jak minimum dziesiać čałaviek źnikli bieź viestak
U harach Śjera-Nievada ŭ Kalifornii syšła maštabnaja łavina, pad jakoj apynulisia jak minimum 16 łyžnikaŭ. Pavodle papiaredniaj infarmacyi, da dziesiaci čałaviek ličacca źnikłymi bieź viestak, jašče nie mienš za šeść zabłakavanyja ŭ śniežnaj pastcy i čakajuć dapamohi. Pra zdareńnie paviedamiła Reuters.
Łavina syšła kala rajona Kasł-Pik pobač z horadam Traki, prykładna za 16 kiłamietraŭ na poŭnač ad voziera Tacha. Incydent adbyŭsia 17 lutaha kala 11:30 pa miascovym časie. Pad masaj śniehu apynułasia hrupa z 16 čałaviek — čatyry hornyja hidy i dvanaccać klijentaŭ.
Nie mienš za šeść čałaviek vyžyli i zastajucca na miescy ŭ čakańni ratavalnikaŭ. Los astatnich pakul nieviadomy. Taksama nie ŭdakładniajecca, kolki siarod źnikłych hidaŭ, a kolki turystaŭ.
Vyratavalnyja raboty ŭskładniajucca mocnym zimovym štormam. Z nadychodam ciemry i praz nulavuju bačnaść była pierakrytaja najbližejšaja šaša, a ratavalniki nie zmahli chutka dabracca da miesca trahiedyi. Pradstaŭnik ofisa šeryfa akruhi Nievada paviedamiŭ, što apieracyja budzie doŭhaj i składanaj, bo isnuje vysokaja ryzyka paŭtornych łavin.
Jašče napiaredadni ŭ paŭnočnaj Kalifornii dziejničała papiaredžańnie pra zimovy štorm, a ŭ vysakahornych rajonach prahnazavalisia mocnyja śniehapady. Centr łavinnaj biaśpieki zahadzia papiaredžvaŭ pra vysokuju niebiaśpieku sychodu łavin u hetym rehijonie.
Da pošukava-vyratavalnaj apieracyi dałučylisia śpiecyjalizavanyja hornyja atrady ź miascovych kurortaŭ. Na momant apošnich źviestak ratavalniki na śniehachodach praciahvali sprabavać dabracca da miesca schodu łaviny.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary