Vadzim Mikulič šmat hadoŭ addaŭ navucy i raspracoŭcy składanych aptyčnych materyjałaŭ. Niadaŭna 38‑hadovaha mieniedžara i daśledčyka asudzili za «sadziejničańnie ekstremizmu».
Vadzimu Mikuliču 38 hadoŭ. Jon rodam z Amścisłava. Vučycca pajechaŭ u Minsk, u 2010 hodzie skončyŭ chimičny fakultet BDU. Paśla jon pastupiŭ u mahistraturu, a paśla ŭ aśpiranturu Instytuta chimii novych materyjałaŭ Akademii navuk. U 2016 hodzie małady navukoviec paśpiachova abaraniŭ kandydackuju dysiertacyju pa fizičnaj chimii, jakaja była pryśviečana tonkaplonačnym materyjałam dla aptyčnych pryład.
Doŭhi čas Vadzim pracavaŭ u Akademii navuk: spačatku małodšym, a potym i prosta navukovym supracoŭnikam. Tam jon zajmaŭsia arhaničnym sintezam i stvareńniem palimieraŭ.
U 2018 hodzie Vadzim pierajšoŭ u ZAT «Hałahrafičnaja industryja» — kampaniju, jakaja śpiecyjalizujecca na vytvorčaści hałahram i achoŭnych znakaŭ dla dakumientaŭ. Tam jon vyras ź inžyniera-technołaha da načalnika adździeła pa navucy i inavacyjnaj dziejnaści.
Pa-za pracaj i navukaj Vadzim zaŭziaty rybak. U tematyčnych supołkach jon dzialiŭsia ŭłasnym dośviedam łoŭli na fidar, abmiarkoŭvaŭ vybar vudaŭ, loski i prykormu na linia ci amura. Vadzim davaŭ karysnyja parady pačatkoŭcam i ŭvohule šmat pisaŭ pra svajo chobi.
Navukoŭca sudzili ŭ Minskim haradskim sudzie pavodle častak 1 i 2 artykuła 361‑4 KK (sadziejničańnie ekstremisckaj dziejnaści). Pieraśled źviazany sa spravaj Hajuna.
Prysud — chatniaja chimija.
«Naša Niva» — bastyjon biełaruščyny
PADTRYMAĆDaśviedčanaha prahramista ź litoŭskaj IT-kampanii asudzili ŭ Homieli za «sadziejničańnie ekstremizmu»
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Sistemnaha administratara Biełaruskaj čyhunki i byłoha śpiecnazaŭca asudzili za palityku i abvieścili terarystam
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary