Kaciaryna Andrejeva pieradała Donaldu Trampu list pra biełaruskich palitviaźniaŭ
Žurnalistka «Biełsata» dziakuje za namahańni ŭ vyzvaleńni jaje i inšych palitviaźniaŭ, ale prosić praciahvać — i vyzvalić usich, u tym liku jejnaha muža.
List, jaki pieradała žurnalistka Kaciaryna Andrejeva, vykazvaje hłybokuju ŭdziačnaść prezidentu Złučanych Štataŭ Donaldu Trampu, śpiecyjalnamu pasłańniku Džonu Koŭłu i namieśniku pamočnika dziaržaŭnaha sakratara ZŠA Krystafieru Śmitu za humanitarnyja namahańni, jakija pryviali da vyzvaleńnia jaje samoj i jašče 249 biełaruskich palitviaźniaŭ. Adnačasova Kaciaryna padkreślivaje, što mnohija jašče zastajucca ŭ źniavoleńni.
Cytata ź lista:
«Liču, što hetaja humanitarnaja misija maje histaryčnaje značeńnie. Da vašych pieramoŭ ź Mienskam mnohija z nas stracili nadzieju. My adčuvali siabie viečnymi zakładnikami, bieź jasnaha budučaha i nadziei na spraviadlivaść. U červieni 2025 hoda, kali ja stała śviedkaj pieršych vyzvaleńniaŭ žančyn u miežach damoŭlenaściaŭ pamiž Vašynhtonam i Mienskam, nadzieja viarnułasia da mianie».
List zaklikaje da praciahu dypłamatyčnych namahańniaŭ dziela vyzvaleńnia ŭsich palitviaźniaŭ, u tym liku žurnalista Ihara Iljaša.
Kamientary