Dziatłaŭski dalnabojščyk pajechaŭ vajavać za Rasiju — ź biletam u adzin bok
Andrej Kažała jašče padletkam ledź nie zabiŭ čałavieka, adbirajučy ŭ jaho hrošy razam z padzielnikami. Za heta atrymaŭ 9 hadoŭ kałonii. Na biadu žonki, u minułym hodzie biełarus źnik u miasnym šturmie na vajnie suprać Ukrainy.
Andrej Kažała naradziŭsia ŭ 1995 hodzie. Žyŭ u vioscy Hiezhały Dziatłaŭskaha rajona.
Jašče da paŭnalećcia Andrej adpraviŭsia ŭ kałoniju. Jaho aryštavali ŭ 16 hadoŭ.
«Pryznać vinavatym u prymianieńni hvałtu, niebiaśpiečnaha dla žyćcia i zdaroŭja paciarpiełaha […], z metaj niepasrednaha avałodvańnia majomaściu, učynienym hrupaj asob z pryčynieńniem ciažkaha cialesnaha paškodžańnia […] adpaviedna z č. 3 art. 207 Kryminalnaha kodeksa [razboj], pryznačyć pakarańnie ŭ vyhladzie pazbaŭleńnia voli terminam na 9 hadoŭ. Adbyćcio pakarańnia vyznačyć u vychavaŭčaj kałonii […]», — taki zapis nasuprać jaho proźvišča staić u bazie Belpol.
Paśla vyzvaleńnia, u 2020-m, Kažała zavioŭ sabie IP. Spačatku vyrašyŭ być dalnabojščykam, ale na niejkim etapie pieraklučyŭsia na handal sadavinoj. U 2021‑m jaho karali za parušeńnie pravił akazańnia pasłuh nasielnictvu.
Jak mienavita jon trapiŭ na vajnu suprać Ukrainy, niezrazumieła. Andrej Kažała pierastaŭ vychodzić na suviaź paśla vychadu na bajavoje zadańnie 13 maja 2025 hoda.
Indyvidualnaje pradprymalnictva biełarusa było zakryta 19 sakavika 2026 hoda — praz fakt śmierci.
«Dapamažycie znajści muža», — nie zdajecca jaho žonka Marharyta ŭ sacyjalnych sietkach.
U pryvatnaj razmovie z čytačom «Našaj Nivy» jana skazała, što nie vieryć u śmierć svajho kachanaha i praciahvaje čakać.
Kažała słužyŭ u pieršaj šturmavoj rocie pieršaha ŭzvodu 71 pałka (v/č 16544), mieŭ pazyŭny «Biełarus». Hety połk viadomy tym, što jaho asabovy skład biaźlitasna pieramołvajecca siłami abarony Ukrainy ŭ akolicach pasiołka — ci karektniej, jahonych reštkaŭ — Rabocina. Heta jakraz toj kirunak, kudy ŭ apošni raz i vypraviŭsia Kažała na zadańnie.
«Pakul ja žyvy i majo serca bjecca — ja kłaŭ ch*j na tych, chto za majoj śpinaj śmiajecca!!!!!», — napisaŭ Andrej Kažała ŭ apošnim statusie «Ukantakcie».
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
[Zredahavana]