U Minsku sa stralboj zatrymali rasijskich kurjeraŭ telefonnych machlaroŭ
U ich kanfiskavali 75 tysiač dalaraŭ.
Zatrymanyja dva kurjery telefonnych ašukancaŭ i ich asabisty kiroŭca. Jany zabrali ŭ žychara Minska $75 000, paviedamlaje «Milicyja Minska».
Supracoŭniki minskaha kryminalnaha vyšuku zatrymali na miescy złačynstva hrupu kurjeraŭ telefonnych machlaroŭ. Troje mužčyn va ŭzroście ad 22 da 32 hadoŭ pryjechali ŭ Biełaruś ź inšaj krainy, kab vykonvać zadańni telefonnych ašukancaŭ.
Pry ich znajšli 75 tysiač dalaraŭ, jakija pieradaŭ 42‑hadovy minčuk. Mužčyna da apošniaha nie razumieŭ, što staŭ achviaraj machlaroŭ, i nie vieryŭ sapraŭdnym supracoŭnikam milicyi, pakul nie apynuŭsia ŭ rajonnym adździele ŭnutranych spraŭ.
Minčuk raspavioŭ, što kantaktavaŭ sa złačyncami kala miesiaca. Jon paśpieŭ pieradać inšamu kurjeru kala 32 tysiač dalaraŭ, u tym liku pazyčanyja ŭ siabroŭ. A zatym pa ŭkazańni «kurataraŭ» pradaŭ kvateru, dumajučy, što ratuje svaju majomaść ad «čornych ryełtaraŭ». Mienavita hetyja hrošy jon pieradaŭ adnamu ź fihurantaŭ — jany kanfiskavanyja i buduć viernutyja ŭładalniku.
Jany patłumačyli, što znajšli takuju «padpracoŭku» ŭ sacyjalnych sietkach i pryjechali ŭ Biełaruś užo ŭ druhi raz. Jany razumieli, što ździajśniajuć niezakonnyja dziejańni, tamu dziela kanśpiracyi padzialili roli, pryjechali ŭ krainu na asabistym aŭtamabili z kiroŭcam i źmianiali miescy pražyvańnia ŭ Minsku. Niahledziačy na heta, ich vykryli.
Ciapier čytajuć
Studentak biełaruskich VNU abaviazali terminova zapoŭnić ankietu z paznačeńniem svajho rostu74
Kamientary