U vypadku napadu Rasii Šviecyja bolš nie budzie abmiažoŭvacca tolki abaronaj svajoj terytoryi. Pra heta zajaviŭ načalnik Centra viadzieńnia pavietranaj vajny VPS Šviecyi pałkoŭnik Karł Bierhkvist. Pavodle jaho słoŭ, novaja kancepcyja praduhledžvaje nastupalnyja dziejańni i źniščeńnie celaŭ u hłybini terytoryi praciŭnika.
Bierhkvist padkreśliŭ, što havorka nie idzie pra previentyŭnyja ŭdary. Meta takoj stratehii — strymlivańnie patencyjnaha ahresara, jaki pavinien razumieć, što ŭ vypadku vajny bajavyja dziejańni nie buduć adbyvacca tolki na šviedskaj terytoryi.
Na pierahlad stratehii šviedskich VPS paŭpłyvaŭ i dośvied vajny va Ukrainie. U Šviecyi ličać važnym nie dapuścić atrymańnia praciŭnikam pieravahi ŭ pavietry. Tamu da ŭžo najaŭnaj taktyki chutkaha pierabazavańnia i raśsiejvańnia avijacyi vyrašyli dadać mahčymaść nanosić udary pa abjektach na terytoryi praciŭnika.
Pavodle novaj kancepcyi, udary pa łahistyčnych abjektach, štabach i avijabazach u hłybini terytoryi Rasii mahli b na pačatkovaj stadyi zapavolić abo sarvać vajennuju apieracyju.
Adnym z klučavych elemientaŭ stratehii pavinna stać intehracyja kryłatych rakiet Taurus KEPD 350 źniščalnikami JAS 39 Gripen. Dalokaść hetych rakiet pieravyšaje 500 kiłamietraŭ, jany mohuć lacieć na vyšyni da 50 mietraŭ i pryznačanyja dla źniščeńnia ŭmacavanych abjektaŭ. Akramia taho, šviedskija ŭzbrojenyja siły płanujuć nabyć sistemy ź jašče bolšaj dalokaściu. U dakumientach, nakiravanych uradu, zapytvalisia kryłatyja i balistyčnyja rakiety, zdolnyja źniščać celi na adlehłaści da 2000 kiłamietraŭ. Adlehłaść ad Stakholma da Maskvy składaje kala 1200 kiłamietraŭ.
Novaja kancepcyja taksama praduhledžvaje vykarystańnie aŭtastradaŭ u jakaści ŭźlotna-pasadačnych pałos, uzmacnieńnie supraćpavietranaj abarony, baraćbu ź bieśpiłotnikami i raźvićcio raźviedvalnych mahčymaściaŭ z vykarystańniem dronaŭ i spadarožnikaŭ.
Paśla rasijskaha ŭvarvańnia va Ukrainu Šviecyja pierahledzieła acenku pahroz svajoj biaśpiecy i ŭ 2024 hodzie ŭstupiła ŭ NATA. Tak kraina, jakaja bolš za 200 hadoŭ zachoŭvała niejtralitet, stała častkaj abaronnaj struktury paŭnočnaha fłanhu Aljansu razam ź Finlandyjaj, Narviehijaj i krainami Bałtyi.
Raniej šviedskaja raźviedka papiaredžvała, što ŭ pierśpiektyvie niekalkich hadoŭ Rasija moža pravieści abmiežavanyja vajennyja apieracyi ŭ rehijonie. Siarod pieravah Šviecyi nazyvajecca jaje hieahrafičnaje stanovišča: blizkaść da Bałtyjskaha rehijona dazvalaje chutčej reahavać na pahrozy, a mahčymaść vykarystoŭvać źniščalniki Gripen z raśsiejanych pazicyj pavyšaje ŭstojlivaść šviedskaj avijacyi.
Finlandyja i Šviecyja ŭpieršyniu razam padniali ŭ pavietra źniščalniki dla pierachopu rasijskich vajskovych samalotaŭ
Danija papiaredziła, što ŭ najbližejšyja miesiacy Rasija moža atakavać adnu z krain NATA
Jeŭrapiejskija śpiecsłužby papiaredzili pra mahčymuju eskałacyju apieracyj Rasii suprać NATA ŭ bližejšyja miesiacy
U Šviecyi levyja partyi atrymali bolšaść na vybarach, premjer pajšoŭ u adstaŭku
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary