Śviet 5 5

Nashaniva.com

10.05.2026 / 17:08

Chto byŭ nulavym pacyjentam na kruiznym łajniery, dzie ŭspychnuŭ chantavirus, i jak jon zaraziŭsia

Ekśpiedycyja ŭ pošukach redkaj ptuški kaštavała žyćcia mužu i žoncy.

Arnitołah ź Niderłandaŭ Lea Schiłpierurd. Fota: Leo Schilperoord/ Facebook

Nulavym pacyjentam padčas uspyški chantavirusa na kruiznym łajniery ličać arnitołaha ź Niderłandaŭ Lea Schiłpierurda, raskazvaje The New York Post.

70‑hadovy mužčyna i jaho 69‑hadovaja žonka Mirjam znachodzilisia ŭ piacimiesiačnym padarožžy pa Paŭdniovaj Amierycy. Jany pryziamlilisia ŭ Arhiencinie 27 listapada, naviedali Čyli i Uruhvaj, a 27 sakavika viarnulisia ŭ Arhiencinu, dzie adpravilisia ŭ ekśpiedycyju dla nazirańnia za ptuškami.

Jany naviedali śmietnik niedaloka ad horada Ušuaja. Hetaje miesca miascovyja žychary abychodziać, ale jano źjaŭlajecca punktam pałomnictva dla arnitołahaŭ z usiaho śvietu, jakija šukajuć redkuju ptušku — biełahorłuju karakaru, prazvanuju «karakaraj Darvina» ŭ honar znakamitaha evalucyjnaha bijołaha Čarlza Darvina, jaki pieršym apisaŭ hety vid.

Arhiencinskija ŭłady miarkujuć, što mienavita na śmietniku Ušuai para ŭdychnuła čaścicy fiekalij doŭhachvostych rysavych pacukoŭ, jakija pieranosiać niebiaśpiečny štam chantavirusa (andes) — adzinuju formu, zdolnuju pieradavacca ad čałavieka da čałavieka.

1 krasavika para ŭzyšła na bort sudna MV Hondius va Ušuai razam z 112 inšymi pasažyrami, mnohija ź jakich taksama byli navukoŭcami abo amatarami ptušak. 6 krasavika Lea paviedamiŭ pra lichamanku, hałaŭny bol, bol u žyvacie i dyjareju. Jon pamior na karabli praź piać dzion.

Mirjam syšła z karabla razam ź ciełam Lea 24 krasavika padčas zapłanavanaha prypynku na vostravie Śviatoj Aleny ŭ Atłantyčnym akijanie. Jana vylecieła ŭ Jachaniesburh (PAR) i pavinna była pierasieści na rejs KLM da Niderłandaŭ, ale tak i nie trapiła dadomu. Ekipaž paličyŭ jaje stan zanadta ciažkim dla palotu i źniaŭ z rejsa. Jana straciła prytomnaść u aeraporcie i pamierła na nastupny dzień.

Čytajcie jašče

Kamientary5

kisio

10.05.2026

Josik, vaładarstva im niabiosnaje.
što b my rabili biez navuki i navukoŭcaŭ?
Ryhor

10.05.2026

Bajusia što paličać mianie zajdrośnikam ale... Nie viedaju dzie i jak ciažka pracavaŭ hety haspadzin, ale sam majučy pryblizna taki uzrost pracavaŭ ciažka i doŭha (i nie tolki u Biełarusi) nie mahu sabie dazvolić takija padarožžy. Biezumoŭna ničoha drennaha u hetym niama. Sumna što śviet dzielicca na bahatych i biednych vielmi rapttoŭna, jak zdajecca nikoli u historyi. Moža hety čałaviek adnosicca da vierchniaha siaredniaha (źnikajučaha kłasu, siaredni kłas źnik, źniziŭsia da biednaha) Prablema ŭ tym što hetyja ludzi adnosiacca da levaj ideałohii, jany i zialonyja, i ŁHBT, i za trazhienderstva, i za seksualizacyju dziaciej, i mnicca im ekałahičnaja katasrofa, i massavaja imihracyja im patrebna - heta taki płast ludziej. Majuć jany zašmat hrošaj i volnaha času, i heta prablema, tamu što jany hałasujuć za levych a adduvacca za ich vybar prychodzicca prostamu ludu, bolšaści nasielnikaŭ Ziamli. Ale levyja tolki i chočuć zadavalniać svaje patreby, plavać jany chacieli na inšych.
Prabačcie zasumnyja razvažańni.
Pytańnie

10.05.2026

Josik, vy jak by padazrajacie hetych ludziej u naŭmysnym zaražeńni virusam inšych pasažyraŭ. Na padstavie jakich źviestak vy robicie takuju vysnovu? Ci prosta ściabajeciesia?

Ciapier čytajuć

Na samalocie Łukašenki pryvieźli ŭ Maskvu bulbu dla Prydybajły

Kolkaść armii Kanady raście samymi chutkimi tempami za 30 hadoŭ. Pryčyna nie tolki ŭ Trampie

Padsasonny raskazaŭ, jak biełaruskija śpiecsłužby padsyłali da jaho ahienta2 2

Alaksiej Chlastoŭ raskazaŭ, što ŭ taksi pracuje i jaho syn

Prapahandystka z Kiemierava, jakaja pavinšavała maci źnikłaha na vajnie rasijanina, vybačyłasia za heta4 4