Pucina pierakanali, što rasijskaje vojska zmoža zachapić Danbas da vosieni — FT
Rasija i Ukraina ličać, što pierśpiektyŭ adnaŭleńnia mirnych pieramoŭ pry pasiarednictvie ZŠA praktyčna niama.
Kamandavańnie pierakanała Pucina, što rasijskaje vojska zmoža zachapić Danbas da vosieni. Pra heta piša Financial Times sa spasyłkaj na dźvie krynicy, jakija kantaktujuć z Pucinym, jašče dźvie infarmavanyja krynicy, a taksama na acenki ŭkrainskaj raźviedki.
Rasija i Ukraina ličać, što pierśpiektyŭ adnaŭleńnia mirnych pieramoŭ pry pasiarednictvie ZŠA praktyčna niama, navat paśla zakančeńnia vajny na Blizkim Uschodzie.
Pavodle słoŭ surazmoŭcaŭ haziety, jakija majuć znosiny z Pucinym, jon stanovicca «ŭsio bolš zacyklenym na zachopie Danbasa», niahledziačy na toje, što na rańnich etapach vajny, jak śćviardžajecca, u pryvatnym paradku vykazvaŭ hatoŭnaść zamarozić bajavyja dziejańni pa ciapierašniaj linii frontu.
«Ja pierakonvaŭ jaho skončyć usio na ciapierašnich rubiažach. Ale jon praciahvaje paŭtarać: «Nie, ja nie mahu pajści na kampramis u hetym pytańni»», — śćviardžaje adzin z surazmoŭcaŭ haziety.
Jašče adna krynica kaža, što Pucinu dakładvajuć pra toje, što «ŭkraincam ciažka, ich front razvalvajecca, i ŭ ich skončylisia ludzi».
Paśla mierkavanaha zachopu Danbasa Pucin płanuje pavysić canu za luboje spynieńnie ahniu šlacham eskałacyi terytaryjalnych patrabavańniaŭ Rasii, paviedamili troje z hetych krynic.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy25
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
A kali nie atrymajecca da vosieni - pierakanajuć što da sakavika. A kali tady nie atrymajecca - to da 2035 na 100% zachopiać, i išak pa ruski zahavaryć ;)