Statkievič: Masavyja aficyjnyja ściahi tolki nahadvajuć pra tyja, što byli na ich miescy
Palityk u svaim telehram-kanale adznačyŭ toje, što «paśla vyzvaleńnia źviarnuła ŭvahu vielizarnaja kolkaść aficyjnych ściahoŭ, jakimi paznačany litaralna kožny słup i navat ścieny mnohich budynkaŭ».
«Razumieju, što heta praciahłaja refleksija na 2020 hod, kali bieł-čyrvona-biełyja ściahi taksama byli paŭsiudna. Zdajecca, što ŭłady nie razumiejuć roźnicy pamiž inicyjatyvaj hramadzian, realizavanaj ich ułasnymi namahańniami i za svoj košt, i dziaržaŭnym mierapryjemstvam, arhanizavanym dziaržaŭnymi słužboŭcami za dziaržaŭny košt», — piša jon.
Palityk zaznačaje, što ludzi bačać roźnicu i vydatna razumiejuć pryčyny hetaha «masavaha paznačeńnia».
«U vyniku jaho arhanizatary dasiahnuli supraćlehłaha ad žadanaha vyniku — aficyjnyja ściahi tolki nahadvajuć pra tyja, što byli na ich miescy. Z-za žorstkaha pieraśledu jaho nośbitaŭ, ściah koleraŭ histaryčnaha 900‑hadovaha hierba našych ziamiel ci nie ŭpieršyniu zaniaŭ tryvałaje miesca ŭ masavaj śviadomaści biełarusaŭ. I ničym jaho adtul užo nie vytravić. A praźmiernyja sproby naviazać inšaje buduć tolki spryjać hetamu. U mianie niama nijakaha sumnieńnia, jakoj stanie aficyjnaja simvolika Biełarusi paśla pieršych ža sapraŭdnych vybaraŭ», — zaklučaje jon.
Kamientary