Što z 23‑hadovym dobraachvotnikam i byłym palitviaźniem Cichanam Klukačom? Voś što viadoma na hety momant
Infarmacyju pra hibiel Cichana padčas bajavoha zadańnia raspaŭsiudziŭ jaho nibyta sasłužyviec, ale aficyjnaha paćviardžeńnia hetamu niama. Hod tamu pa sacsietkach taksama raspaŭsiudžvałasia infarmacyja pra hibiel Cichana, ale tady abyšłosia kantuzijaj, paśla čaho «Franc» viarnuŭsia na pazicyi.
U sacsietkach raspaŭsiudžvajecca trahičnaja navina pra hibiel 23‑hadovaha biełaruskaha dobraachvotnika Cichana «Franca» Klukača.
Pieršakrynica hetaj naviny — były palitviazień Pilip Šaŭroŭ, jaki žyvie ŭ Polščy. 19 maja 2026 hoda jamu napisaŭ ukrainski bajec ź nikam Cim. Jon patłumačyŭ, što kantakt Šaŭrova jamu pakinuŭ Cichan Klukač.
«Spačuvaju, ale Cichan zahinuŭ padčas vykanańnia zadańnia na pazicyi», — napisaŭ Cim.
Toje samaje Cim paćvierdziŭ i karespandentu «Našaj Nivy», ale ŭ nas niama mahčymaści vieryfikavać hetuju trahičnuju infarmacyju. Na ŭdakładniajučyja pytańni vajskoviec nie adkazaŭ, i ciapier znachodzicca afłajn.
Pa słovach ukrainskaha vajskoŭca, Cichan Klukač nibyta zahinuŭ 9 maja 2026 hoda. Z dataj moža być i błytanina — u toj dzień praciahvałasia rasijska-ŭkrainskaje pieramirje, choć asobnyja pierastrełki i ŭzajemnyja ŭdary adbyvalisia.
Siabry Cichana raskazali «Našaj Nivie», što z 9 maja jon nasamreč nie vychodzić na suviaź, ale jany vierać u lepšaje. Vyhladaje, što jahony instahram peŭny čas nazad byŭ vydaleny.
Hod tamu pa sacsietkach taksama raspaŭsiudžvałasia infarmacyja pra hibiel Cichana Klukača, ale tady abyšłosia kantuzijaj, paśla čaho «Franc» viarnuŭsia na pazicyi.
Pa słovach Šaŭrova, apošnim časam Cichan słužyŭ u 60‑j bryhadzie.
* * *
Cichan Klukač — były palitviazień. Jon naradziŭsia i vyras u Bieraści. Palitviaźniem staŭ u 18 hadoŭ, sprabujučy ŭratavać ad źniavoleńnia dziaŭčynu, u jakuju zakachaŭsia.
Tady siabroŭka Cichana, 18‑hadovaja Safija Małaševič, razmalavała bałončykam z farbaj sistemu «Rubiež» — ščyty śpiecyjalnych srodkaŭ abharodžvańnia. Cichan na sudzie sprabavaŭ uziać adkaznaść za heta na siabie, choć na videa było vidać, što malavała mienavita dziaŭčyna. Adnak u vyniku kałoniju atrymali i jon, i jana.
U źniavoleńni Cichan, samavuk, stvaraŭ pryhožyja malunki.
Na volu chłopiec vyjšaŭ 7 sakavika 2022 hoda i praź niejki čas vyjechaŭ ź Biełarusi.
Tady Rasija akurat była napaŭšy na Ukrainu, i Klukač, zusim małady, paličyŭ svaim abaviazkam pajści na front dobraachvotnikam. Padčas słužby byŭ źviazany i z Pałkom Kalinoŭskaha, i z pałkom «Pahonia», jaki ŭ 2022 hodzie sprabavaŭ stvarać va Ukrainie Vadzim Prakopjeŭ.
Praz prablemy ŭ adnosinach z sasłužyŭcami i kamandzirami Cichan sychodziŭ z vojska, a paśla viartaŭsia.
22‑hadovy kalinoviec Cichan «Franc» Klukač atrymaŭ kantuziju
«Chto choča vajavać, toj znachodzić mahčymaść». Były palitviazień Klukač dałučyŭsia da pałka «Pahonia»
«Kamandzir pryznačyŭ jamu adekvatnaje pakarańnie». Połk Kalinoŭskaha prakamientavaŭ sychod Klukača
«Inšych šlachoŭ, akramia siłavoha, u nas zaraz niama». Były palitźniavoleny Cichan Klukač pra rasčaravańnie ŭ mirnym prateście i štabach Cichanoŭskaj i Babaryki
«Spadziajusia, mianie prymuć u bataljon Kalinoŭskaha». 19‑hadovy Cichan Klukač — pra katavańni palitviaźniaŭ i kachańnie, praniesienaje praz kraty
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary