Tramp znoŭ pryhraziŭ Iranu mahutnymi ŭdarami, kali respublika nie zaklučyć ździełku
Prezident ZŠA vystupiŭ z čarhovym papiaredžańniem, ale zajaviŭ, što pieramovy iduć paśpiachova.
«Pieramovy ź Isłamskaj Respublikaj Iran iduć paśpiachova! Abo heta budzie vyhadnaja ździełka dla ŭsich, abo nijakaj ździełki nie budzie ŭvohule — my vierniemsia na pieradavuju i budziem stralać, ale maštabniej i macniej, čym kali-niebudź raniej, a hetaha nichto nie choča!
Heta budzie dakumient, da jakoha buduć stavicca z pavahaj, jak ni da adnaho inšaha, što kali-niebudź byŭ padpisany ŭ lubym miescy śvietu. Jaho važnaść i prestyž buduć biesprecedentnymi! Heta pavinna pačacca ź nieadkładnaha padpisańnia Saudaŭskaj Aravijaj i Kataram, i ŭsie astatnija pavinny paśledavać ich prykładu.
Kali jany hetaha nie zrobiać, to nie pavinny ŭdzielničać u hetaj ździełcy, bo heta śviedčyć pra niadobryja namiery. Heta budzie samaja važnaja ździełka, jakuju kali-niebudź padpiša lubaja z hetych vialikich, ale pastajanna kanfliktujučych krain. Ništo ŭ minułym ci budučyni nie pieraŭzydzie jaje. Blizki Uschod byŭ by adzinym, mahutnym i ekanamična mocnym, jak, mahčyma, nivodzin inšy rehijon u śviecie!
Paćviardžajučy hetuju IŚCINU, ja prašu svaich pradstaŭnikoŭ pačać i paśpiachova zaviaršyć praces padpisańnia hetymi krainami ŭžo histaryčnych Pahadnieńniaŭ Aŭraama», — napisaŭ Donald Tramp u Truth Social.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
Jak by pad čas pieramoŭ pamiž Štatami Iranam štataŭskija pieramoŭniki kazali irancam ni źviartać uvahu na tvity Trampa .
Tamu čto hetyja zvaroty nakiravany na trampaŭskich. unutrannych spažyŭcoŭ i ni majut dačynieńnia da realnych pieramoŭ
?? Tak sabie admazka kali nasamreč )))