Kiraŭnik MZS Estonii: Pucin choča, kab my spynili Ukrainu ad napadaŭ dronami, ale varta praciahvać
Kiraŭnik Ministerstva zamiežnych spraŭ Estonii Marhus Cachkna vystupiŭ za praciah udaraŭ ukrainskimi bieśpiłotnikami pa abjektach u Rasii. Pra heta jon raspavioŭ u intervju vydańniu «Ukrinfarm».
Cachkna padkreśliŭ, što Estonija, viadoma, nie rada, što ŭkrainskija bieśpiłotniki zalatajuć na jaje terytoryju. Ale, adznačyŭ jon, adkaznaść za hetyja incydenty lažyć na Rasii.
— My, viadoma, nie rady, što hetyja bieśpiłotniki znachodziacca na našaj terytoryi, ale adkaznaść lažyć na Rasii, bo jana moža spynić vajnu zaŭtra. My možam bačyć usio bolš i bolš takich incydentaŭ. Heta pabočnyja efiekty zachopnickaj vajny Rasii.
Pavodle jaho słoŭ, ciapier Rasija naŭmysna «prasoŭvaje» hetyja bieśpiłotniki na terytoryju NATA, adnačasova raspaŭsiudžvajučy falšyvy naratyŭ pra toje, što NATA — krainy Bałtyi i Finlandyja — aficyjna dazvalajuć Ukrainie vykarystoŭvać svaju terytoryju dla hetych napadaŭ.
— Heta niapraŭda. My nikoli hetaha nie dazvalali, — kaža jon.
Jon davodzić, što śviet pavinien razumieć, što adkaznaść lažyć na Rasii.
— Viadoma, Pucin choča, kab my ŭsie cisnuli na Ukrainu, kab jana spyniła hetyja napady, ale my hetaha nie robim. Heta pavinna być absalutna zrazumieła, i my dali heta zrazumieć na sustrečy ministraŭ zamiežnych spraŭ NATA na minułym tydni: heta nie vina Ukrainy, heta vina Rasii.
Pucin zaŭsiody hulaje na hetym strachu eskałacyi. Jon choča pakazać, što krainy Bałtyi i hetaja častka NATA buduć uciahnuty ŭ vajnu. Histaryčna skłałasia tak, što my razumiejem hety strach eskałacyi z boku Zachadu, ale ja dumaju, što my nie možam bajacca.
Mahu vam skazać, što nichto nie sumniavajecca ŭ pravie Ukrainy atakavać mety hłyboka ŭ tyle Rasii. Ja dumaju, što «doŭhaterminovyja sankcyi Ukrainy», jak ich nazyvaje moj ukrainski kaleha, ministr Sibiha, pracujuć dobra, — dadaje jon.
Dypłamat havoryć, što Ukraina tolki pavinna być bolš aściarožnaj.
— Kali vy bjacie pa «linijach žyćcia» rasijskaj vajennaj mašyny va Uść-Łuzie, Sankt-Pieciarburhu i inšych haradach, to heta vielmi blizka da našych miežaŭ, — kaža Cachkna.
Ale spyniacca nielha, miarkuje jon.
— Pucin hłyboka zaniepakojeny, bo amal 60 pracentaŭ ekspartu hazu i nafty idzie praz hetyja party. Tamu Ukraina pavinna praciahvać.
-
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary