Baranavičy pa cikavaści dla turystaŭ značna abahnali Niaśviž. Ale tolki pa adnym pakazčyku
Servis «Kufar Padarožžy» praanalizavaŭ bolš za 120 tysiač paśpiachova zavieršanych reziervavańniaŭ žylla za studzień—červień 2026 hoda i skłaŭ rejtynh najbolš papularnych haradoŭ dla pajezdak pa Biełarusi.
Bolšaść braniavańniaŭ — 91% — zrabili žychary Biełarusi. Jašče 4,6% zakazaŭ prypała na karystalnikaŭ z Rasii, a astatnija 4,4% — na haściej ź inšych krain.
Biezumoŭnym lidaram kolkaści reziervavańniaŭ zastajecca Minsk. Na stalicu pryjšłosia amal 40% usich zakazaŭ za pieršaje paŭhodździe, što bolš, čym razam na piać abłasnych centraŭ.
Druhoje miesca zaniaŭ Hrodna z dolaj 11,8%, treciaje — Brest (9,8%). Viciebsk i Homiel atrymali pa 5,6% braniavańniaŭ, pry hetym roźnica pamiž imi skłała ŭsiaho kala 30 zakazaŭ. Mahiloŭ raźmiaściŭsia na šostaj pazicyi z pakazčykam 4,8%.
Siarod haradoŭ, jakija nie źjaŭlajucca abłasnymi centrami, najbolšaj papularnaściu karystalisia Baranavičy. Za pieršyja šeść miesiacaŭ 2026 hoda tam było aformlena bolš za try tysiačy reziervavańniaŭ, što vyvieła horad na siomaje miesca ahulnaha rejtynhu.
Śledam raźmiaścilisia Pinsk i Babrujsk. U pieršuju dvaccatku taksama ŭvajšli Lida, Połack, Mazyr, Orša, nasielenyja punkty Minskaha rajona, Navapołack, Barysaŭ, Kobryn, Salihorsk, Maładziečna i Niaśviž.
Pavodle daśledavańnia, na dvaccać samych papularnych łakacyj pryjšłosia 93,4% usich braniavańniaŭ z ahulnaha śpisu 113 nasielenych punktaŭ. Heta śviedčyć pra vysokuju kancentracyju popytu.
Tradycyjna papularnyja turystyčnyja napramki pakazali bolš ścipłyja vyniki. Niaśviž zaniaŭ 20‑ie miesca z 640 reziervavańniami, Brasłaŭ atrymaŭ 321 braniravańnie, Navahrudak — 212, Miadzieł — 37, a Mir — tolki 19. Heta śviedčyć, što ŭ pieršaj pałovie 2026 hoda najbolš aktyŭny popyt na karotkaterminovuju arendu žylla naziraŭsia nie tolki ŭ viadomych turystyčnych centrach, ale i ŭ bujnych rajonnych haradach.
Razam z tym aŭtary daśledavańnia adznačajuć, što kolkaść reziervavańniaŭ zaležyć nie tolki ad cikavaści turystaŭ da ŭłasnaj miascovaści, ale i ad kolkaści dastupnaha žylla, siezonnaści i asablivaściaŭ raźmiaščeńnia abjaŭ.
Ad Prypiaci da Kaŭkaza. Jak siamja z-pad Minska padarožničaje na kempiery
«My nieprykmietna». Jak biełarusy ciapier jeduć u Anapu na adpačynak
«Vyjšli z aŭtobusa i admovilisia ad tura». Biełarusy raskazali, jak miaža sapsavała im padarožža
Biełarus zrabiŭ samarobny motavieł na soniečnych batarejach i sam pryjechaŭ na im na radzimu z Dahiestana
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami76
Kamientary