Žychary Słucka i Słuckaha rajona znoŭ bjuć tryvohu z-za našeścia bujnych smaŭžoŭ, jakija źniščajuć pasadki na ŭčastkach.
Pavodle słoŭ aharodnikaŭ, škodniki z kožnym hodam zajmajuć usio novyja terytoryi. Miarkujuć, što heta ispanski smoŭž, ale pakul dakładnych źviestak, što heta mienavita jon, niama.
Jak piša SlutskGorod, bujnych smaŭžoŭ užo niekalki hadoŭ zaŭvažajuć u roznych rajonach Słucka — u rajonie Cyhanskaha parku, a taksama na vulicach Rozy Luksiemburh i Plijeva. Pavodle raspoviedaŭ žycharoŭ, na adnym baku vulicy Plijeva ź imi zmahajucca kala piaci hadoŭ, na druhim — prykładna dva hady.
Aharodniki raskazvajuć, što jany chutka raspaŭsiudžvajucca na susiednija ŭčastki i surjozna paškodžvajuć raśliny. U pieryjad masavaha źjaŭleńnia, pavodle ich słoŭ, za adzin abchod učastka ŭdajecca sabrać da čatyroch-piaci litraŭ škodnikaŭ.
Choć śpiecyjalisty pakul nie paćvierdzili, što vyjaŭlenyja asobiny naležać mienavita da ispanskaha smaŭža, aściarohi majuć padstavy. Hety invazijny vid ličycca adnym z samych niebiaśpiečnych škodnikaŭ sadoŭ i aharodaŭ.
Pavodle słoŭ žycharoŭ Słucka, całkam pazbavicca ad škodnikaŭ pakul nie ŭdajecca. Dla baraćby vykarystoŭvajuć roznyja srodki, u tym liku składy na asnovie soli. Adnak sami dačniki adznačajuć, što takija mietady mohuć naškodzić hlebie.
Adzin z surazmoŭcaŭ vydańnia raskazaŭ, što paśla rehularnaj apracoŭki padobnym srodkam na ŭčastku pierastali raści kłubnicy.
Pra smaŭžoŭ i ślimakoŭ bjuć tryvohu sialanie i aharodniki ŭ roznych čaścinach Biełarusi. Smaŭžy i ślimaki stali dla ich sapraŭdnym biedstvam.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary