Maskoŭski haradski sud pryhavaryŭ hramadzianina Rasii Hieorhija Pirahova da 23 hadoŭ kałonii strohaha režymu pa abvinavačańni ŭ dziaržaŭnaj zdradzie i špijanažy na karyść polskich śpiecsłužbaŭ. Pra heta 14 žniŭnia paviedamiła FSB Rasii, zajaviŭšy, što prysud, vyniesieny jašče ŭ lipieni, nabyŭ zakonnuju moc, piša «Novaja hazieta. Jevropa».
Pavodle viersii rasijskaj śpiecsłužby, paśla pačatku poŭnamaštabnaha ŭvarvańnia Rasii va Ukrainu Pirahoŭ vyjechaŭ z Rasii. U krasaviku 2022 hoda, znachodziačysia ŭ Polščy, jon nibyta naładziŭ kantakt z pradstaŭnikom polskaj vajskovaj raźviedki i atrymaŭ zadańnie źbirać i pieradavać sakretnuju infarmacyju pra rasijskija ŭzbrajeńni, jakija vykarystoŭvalisia ŭ vajnie suprać Ukrainy.
FSB śćviardžaje, što Pirahoŭ vykarystoŭvaŭ svaje suviazi z supracoŭnikami rasijskaha abaronna-pramysłovaha kompleksu, atrymlivaŭ zakrytyja źviestki pra vytvorčaść i prymianieńnie rakietnych kompleksaŭ, a taksama piersanalnyja danyja ludziej, jakija mieli dostup da dziaržaŭnaj tajamnicy. Pry hetym rasijski bok nie pradstaviŭ publičnych dokazaŭ svaich abvinavačańniaŭ.
Akramia taho, Pirahova abvinavacili ŭ dapamozie ŭkrainskamu vojsku. Pavodle śćviardžeńnia FSB, jon pieraličvaŭ kryptavalutu na patreby USU, nabyvaŭ vajskovy ryštunak i arhanizoŭvaŭ jaho dastaŭku z Polščy va Ukrainu.
Sudovy praces nad Pirahovym pačaŭsia ŭ mai 2026 hoda i prachodziŭ u zakrytym režymie.
Pavodle infarmacyi niezaležnych rasijskich žurnalistaŭ, Pirahova zatrymali jašče ŭ 2024 hodzie. Paśla pačatku poŭnamaštabnaj vajny jon pierajechaŭ u Hruziju, dzie pracavaŭ pramysłovym alpinistam. Letam 2024 hoda mužčyna adpraviŭsia ŭ kamandziroŭku va Uźbiekistan, paśla čaho pierastaŭ vychodzić na suviaź. Paźniej jaho svajakam stała viadoma, što jon znachodzicca ŭ maskoŭskim SIZA «Matroskaja cišynia» pa spravie ab dziaržaŭnaj zdradzie. Abstaviny jaho zatrymańnia i dastaŭki ŭ Rasiju zastajucca nieviadomymi.
Ab prysudzie rasijskija ŭłady abviaścili na druhi dzień paśla zajavy premjer-ministra Polščy Donalda Tuska ab praduchileńni ŭ Varšavie mierkavanaha złačynstva.
13 žniŭnia Tusk paviedamiŭ, što polskija śpiecsłužby zatrymali hramadzianina Rasii, jakoha, pavodle infarmacyi polskaha boku, rasijskija śpiecsłužby zavierbavali dla padrychtoŭki zabojstva hramadzianina ZŠA i Ukrainy. Padazravanaha zatrymali 7 žniŭnia pry ŭdziele Ahienctva ŭnutranaj biaśpieki i palicyi Polščy.
Tusk nie raskryŭ imia mierkavanaj achviary, adnak zajaviŭ, što hety čałaviek byŭ abrany rasijskimi ŭładami jak niazručny dla režymu Uładzimira Pucina. Siońnia źjaviłasia infarmacyja, što mišeńniu dla zabojcy pavinien byŭ stać viadomy ŭkrainski błohier i repier Albiert Vasiljeŭ, bolš viadomy pad psieŭdanimam Kyivstoner.
Na hetym fonie polskija ŭłady zajaŭlajuć pra ŭzmacnieńnie rasijskaj špijonskaj i dyviersijnaj dziejnaści ŭ Polščy paśla pačatku poŭnamaštabnaj vajny. Havorka idzie pra sproby viarboŭki, dyviersii i inšyja apieracyi, skiravanyja suprać infrastruktury, ukrainskaj dyjaspary i ludziej, krytyčna nastrojenych u dačynieńni da Kramla.
Kamientary
abrany rasijskimi ŭładami - VYBRANY,
"abran" zamiest "vybaru" - heta leksikon zakatčykaŭ štukaturki ŭ šklanki
I čym vam tak nie padabajecca "adpravicca"?
adprávicca, ‑praŭlusia, ‑pravišsia, ‑pravicca; zak.
1. Pajści, pajechać, rušyć kudy‑n.; vypravicca. Adpravicca ŭ padarožža. Treba paśpieć arhanizavać sprytnuju bryhadu, kab uviečary adpravicca ŭ rejd. (Mikulič). Baćka.. adpraviŭsia ahledzieć žytni paletak. (C. Hartny).
> "abran" zamiest "vybaru" - heta leksikon zakatčykaŭ štukaturki ŭ šklanki
Pa-pieršaje: u artykule vykarystana nie "abran" (na rasiejski manier), a "abrany" - całkam karektnaja biełaruskaja forma. Pa-druhoje: słova "abrać" i vytvornyja a jaho "abrany", "abrańnik" majuć šmat značeńniaŭ - ad abrańnia na pasadu, abrańnia kachanaha i da prosta abrańnia čaho zaŭhodna (litaralna toje ž što i "vybrać"), kali dla vas heta navina - to heta chutčej vy sam - "zakatčyk štukaturki". Darečy voś čaho ŭ biełaruskaj movie niama i nie było nikoli dyk heta "štukaturki" - jość tolki "tynkoŭka", ci prosta "tynk" i vytvornyja ad jaho "tynkoŭščyk"/"tynkoŭščyca", "tynkavać", "tynkavany".
abráć, abiaru, abiareš, abiare; abiarom, abieracie; zak., kaho-što.
1. Addać pieravahu kamu‑, čamu‑n., vybrać. Paddubaŭski partyzanski atrad abraŭ heta miesca, jak najbolš zručnaje dla pierapravak. (Kułakoŭski).
2. Vybrać hałasavańniem (dla vykanańnia jakich‑n. abaviazkaŭ). Svajoj pracaj, aktyŭnym udziełam u hramadskija žyćci Anatol Ściapanavič zasłužyŭ vysokaje davierje: naftabudaŭcy abrali jaho deputatam Viarchoŭnaha Savieta, respubliki. (Chadkievič).
Tłumačalny słoŭnik biełaruskaj movy (1977-84, pravapis da 2008 h.)