Прэзідэнт Расіі пракаментаваў апошнія смяротныя ўдары па Украіне.
«Расія нарасціла ўдары па Украіне ў адказ на ўкраінскую 40‑дзённую «аперацыю ўплыву». УСУ наносілі масаваныя ўдары па расійскіх цывільных аб’ектах і лагістыцы. Але для Украіны канчатковы вынік быў проста супрацьлеглым чаканаму», — заявіў кіраўнік Расіі журналісту Паўлу Зарубіну, піша «Медуза».
«Кіеў ставіў сваёй мэтай нанесці шкоду нашай эканоміцы. Ён сам адкрыў гэтую скрыню Пандоры, выпусціў джына з бутэлькі. Ну што ж, атрымайце адказ па вашых найбольш адчувальных галінах эканомікі, якія і так ледзь дыхаюць. Гэта датычыцца і сельскагаспадарчай вытворчасці. Хочаце парушыць нашу лагістыку? Адказ не прымусіць сябе чакаць. Атрымайце», — дадаў ён
Па словах Пуціна, удары Расіі па Украіне эфектыўныя, своечасовыя і больш разбуральныя, чым удары УСУ па Расіі.
«Расійскія ўдары таксама дапамагаюць нашым байцам на фронце. Прапановы Украіны, якія паступаюць нам адносна завяршэння вайны, экзатычныя і непрымальныя. Мы гатовыя да дыялогу пра мір, але толькі на аснове рэалій на зямлі», — патлумачыў Уладзімір Пуцін.
Так за апошні тыдзень у выніку расійскіх удараў па Украіне загінулі каля 40 чалавек. Так, 20 жніўня пасля ўдару па Кіеве загінулі 15 чалавек, дзясяткі былі параненыя. У пятніцу ў выніку ўдару па гандлёвым цэнтры ў Крывым Рогу загінулі 16 чалавек, 140 былі параненыя. Некалькі чалавек загінулі ў рэгіёнах.
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме1
Каментары