U niamieckim Aŭhsburhu ranicaj 2 vieraśnia kala hałoŭnaha čyhunačnaha vakzała adbyŭsia vybuch. Palicyja paviedamiła, što vybuchnuŭ nieviadomy pradmiet, piša Bild.
U vyniku zdareńnia lohkija traŭmy atrymali 17‑hadovaja dziaŭčyna i 18‑hadovy chłopiec. Pavodle miascovych ŚMI, aboje — hramadzianie Ukrainy.
Pavodle infarmacyi Bild, vybuch moh adbycca z-za ručnoj hranaty kala juvielirnaj kramy pobač z uvachodam na vakzał. Fasad budynka atrymaŭ niaznačnyja paškodžańni. Palicyja praviaraje mahčymuju suviaź zdareńnia z arhanizavanaj złačynnaściu i ličyć, što sam vakzał, mabyć, nie byŭ cellu.
Paśla vybuchu vakzał časova całkam zakryli, a čyhunačny ruch spynili, bo pobač znajšli padazrony pradmiet. Paźniej vyśvietliłasia, što jon nie ŭjaŭlaŭ niebiaśpieki.
Incydent pryvioŭ da zatrymak rehijanalnych i mižharodnich ciahnikoŭ, u tym liku chutkasnych ICE. Padčas palicejskaj apieracyi taksama ŭźnikli značnyja prablemy z rucham aŭtamabilaŭ u Aŭhsburhu i jaho vakolicach.
Adzin z padazravanych u atacy na aeraport Lejpcyha — mužčyna ź Biełarusi
Hiermanija zakryvaje rasijskaje konsulstva ŭ Bonie i «Ruski dom» u Bierlinie
Bundeśvier upieršyniu vyprabavaŭ balistyčnuju rakietu
Na ŭschodzie Hiermanii sprabavali atakavać elektrastancyju
U ofisie palityka ad «Alternatyvy dla Hiermanii» znajšli kubak z nadpisam «Armija Rasii»
Kamientary
Abmieńnik-abnalnik u vyhladzie kramy la vakzała mabyć dobraje miesca.
Ukrainskim maładzionam nie pašancavała. Zdaroŭja im.
Tłumaču ŭładalniku ruskamoŭnaj skivicy.
Złačynnyja arhanizacyi imknucca mieć lehalnyja biznesy ŭ samych prachadnych miescach (high streets hetak zvanych), bo heta dazvalaje lahčej admyvać hrošy - abarot hetych kramaŭ lohka abasnavać - ludzi, turysty navokał.
Heta ŭžo nia pieršy, nia druhi i nia 100-500y raz kali padobnaje adbyvajecca.
U Šviecyi i Bielhii ŭžo niekalki padobnych vojnaŭ było z bambavańniem mašyn i ŭstanoŭ apanientaŭ.