У нямецкім Аўгсбургу раніцай 2 верасня каля галоўнага чыгуначнага вакзала адбыўся выбух. Паліцыя паведаміла, што выбухнуў невядомы прадмет, піша Bild.
У выніку здарэння лёгкія траўмы атрымалі 17‑гадовая дзяўчына і 18‑гадовы хлопец. Паводле мясцовых СМІ, абое — грамадзяне Украіны.
Паводле інфармацыі Bild, выбух мог адбыцца з-за ручной гранаты каля ювелірнай крамы побач з уваходам на вакзал. Фасад будынка атрымаў нязначныя пашкоджанні. Паліцыя правярае магчымую сувязь здарэння з арганізаванай злачыннасцю і лічыць, што сам вакзал, мабыць, не быў цэллю.
Пасля выбуху вакзал часова цалкам закрылі, а чыгуначны рух спынілі, бо побач знайшлі падазроны прадмет. Пазней высветлілася, што ён не ўяўляў небяспекі.
Інцыдэнт прывёў да затрымак рэгіянальных і міжгародніх цягнікоў, у тым ліку хуткасных ICE. Падчас паліцэйскай аперацыі таксама ўзніклі значныя праблемы з рухам аўтамабіляў у Аўгсбургу і яго ваколіцах.
Адзін з падазраваных у атацы на аэрапорт Лейпцыга — мужчына з Беларусі
Германія закрывае расійскае консульства ў Боне і «Рускі дом» у Берліне
Бундэсвер упершыню выпрабаваў балістычную ракету
На ўсходзе Германіі спрабавалі атакаваць электрастанцыю
У офісе палітыка ад «Альтэрнатывы для Германіі» знайшлі кубак з надпісам «Армія Расіі»
Цяпер чытаюць
Беларуска год адпрацавала дальнабойшчыцай у Еўропе. Цяпер спрабуе паступіць у італьянскі ўніверсітэт6
Каментары
Абменнік-абнальнік у выглядзе крамы ля вакзала мабыць добрае месца.
Украінскім маладзёнам не пашанцавала. Здароўя ім.
Тлумачу ўладальніку рускамоўнай сківіцы.
Злачынныя арганізацыі імкнуцца мець легальныя бізнэсы ў самых прахадных месцах (high streets гэтак званых), бо гэта дазваляе лягчэй адмываць грошы - абарот гэтых крамаў лёгка абаснаваць - людзі, турысты навокал.
Гэта ўжо ня першы, ня другі і ня 100-500ы раз калі падобнае адбываецца.
У Швецыі і Бельгіі ўжо некалькі падобных войнаў было з бамбаваннем машын і ўстаноў апанентаў.