U ofisie palityka ad «Alternatyvy dla Hiermanii» znajšli kubak z nadpisam «Armija Rasii»
Namieśnik kiraŭnika «Alternatyvy dla Hiermanii» ŭ ziamli Saksonija-Anchalt Chans-Tomas Cilšnajder pasprabavaŭ praz advakata zabaranić publikacyju zdymkaŭ sa svajho ofisa, dzie žurnalisty zaŭvažyli kubak ź simvolikaj rasijskaha vojska. Na čornym kubku byli čyrvonaja zorka i nadpis «Armija Rasii».
«Hety kubak prosta tut staić. Ja nie nadaju jamu vialikaha značeńnia. Mnie jaho kaliści padaryli. Hodzie ŭžo pra hety durny kubak», — skazaŭ Cilšnajder u kamientary BILD.
Pavodle danych BILD, taki kubak pradaje rasijski vajskovy brend «Armija Rasii», jaki ŭkazvaje Minabarony RF siarod aficyjnych partnioraŭ. Pry hetym Cilšnajder admaŭlaje, što takim čynam vykazvaje padtrymku rasijskamu vojsku.
Palityka adnosiać da najbolš prarasijskaha kryła AdH. Paśla pačatku paŭnamaštabnaj vajny jon jeździŭ u Rasiju, ale pierapyniŭ pajezdku paśla krytyki ŭnutry partyi. U kastryčniku 2025 hoda Cilšnajder taksama ŭdzielničaŭ u mierapryjemstvie ŭ pasolstvie Rasii ŭ Bierlinie z nahody dnia naradžeńnia Uładzimira Pucina.
Kamientary