Ukrainski spartsmien i jaho spadarožnica sfatahravalisia ŭ Amanie viarchom na vialikaj čarapasie. Skončyłasia skandałam

Alejnik — ukrainski spartsmien, fitnes-trenier i influjensier. Jon zajmajecca kalistenikaj i vuličnym vorkaŭtam, udzielničaje ŭ mižnarodnych spabornictvach. Za jaho staronkaj u Instagram sočać kala 200 tysiač čałaviek.

Posmotrieť etu publikaciju v Instagram

Publikacija ot Vadym Oleynik (@vadym_oleynik)

U vieraśni Alejnik razam sa svajoj spadarožnicaj Alenaj Kraŭčanka adpraviŭsia na adpačynak u Aman. Padčas pajezdki para pabyvała ŭ Ras-el-Chadzie ŭ pravincyi Paŭdniovaja Eš-Šarkija. Heta adno z hałoŭnych miescaŭ hniezdavańnia marskich čarapach u Amanie.

Alejnik apublikavaŭ fota i videa, jak siadzić na pancyry vialikaj čarapachi, trymajučy ŭ ruce čarapašku, jakaja tolki vyłupiłasia. Na inšych zdymkach na toj ža čarapasie siadzić jaho spadarožnica. Paśla mužčyna pasprabavaŭ prajechać na vialikaj čarapasie. 

Ukrajinci vyvolali pobouření v Ománu poté, co se svezli na želvě mořské.

Italský projekt ochrany přírody Biologicamente tento incident odsoudil a zdůraznil, že se želvy mořské nesmí ani dotýkat, natož na nich sedět pic.twitter.com/2BPT6y2ARc

— Ing. Honza (@Honza4746) September 28, 2026

Hetyja kadry paśla razyšlisia pa sacsietkach i miedyja. Błoh italjanskaj navukova-papularnaj supolnaści Biologicamente raskrytykavała pavodziny turystaŭ, źviarnuŭšy ŭvahu, što marskaja čarapacha — dzikaja žyvioła i siadać na jaje abo brać u ruki maleńkich čarapašak nielha.

U vyniku na videa adreahavała Upraŭleńnie pa achovie navakolnaha asiarodździa Amana. Tam paćvierdzili, što takija dziejańni parušajuć zakony i praviły achovy dzikaj pryrody.

Jak paviedamlajuć aficyjnyja ŭłady Amana, u dačynieńni da spartsmiena, «pryniatyja nieabchodnyja pravavyja miery». Jakija mienavita, nie udakładniajecca. Jany taksama nahadali naviedvalnikam miescaŭ hniezdavańnia, što da čarapach nielha dakranacca, nabližacca da ich i inšym čynam ich turbavać.

Posmotrieť v Threads

Paśla skandału Alejnik apublikavaŭ u Instagram storys z prabačeńniem na anhlijskaj movie.

«Siabry, pierš za ŭsio ja chacieŭ by paprasić prabačeńnia va Upraŭleńnia pa achovie navakolnaha asiarodździa Sułtanata Aman, a taksama ŭ arhanizacyi pa achovie zialonych marskich čarapach za toje, što ja siadzieŭ [na čarapasie], bo niechta ŭvioŭ mianie ŭ zman, i ja nie bačyŭ praviłaŭ. Tamu ja zrabiŭ pamyłku i šlu svaje prabačeńni kožnamu. Ja nie chacieŭ naškodzić čarapasie ci zrabić joj štości drennaje. I niachaj Boh dabrasłavić usich vas i daruje mnie maju pamyłku», — kaža Alejnik.

Paźniej Biologicamente apublikavaŭ abnaŭleńnie historyi. Śćviardžajecca, što abodvuch turystaŭ zatrymała palicyja ŭ aeraporcie. Sankcyi taksama nibyta zakranuli ludziej, jakija vystupali ŭ roli hidaŭ.

Aficyjnyja ŭłady Amana pra zatrymańnie dvuch turystaŭ u aeraporcie nie paviedamlali.

Ras-el-Chad — adno z važnych miescaŭ hniezdavańnia marskich čarapach u Amanie. Pa ironii losu, hetymi ž dniami ŭ pravincyi prachodziŭ śpiecyjalny forum «Ekałahičnaje zakanadaŭstva: razam dziela abarony čarapach». Na im pradstaŭniki pryrodaachoŭnaha viedamstva, prakuratury i navukoŭcy jakraz abmiarkoŭvali achovu čarapach i adkaznaść za parušeńni ŭ dačynieńni da dzikaj pryrody.

• 2
• 2
• 1
• 8
• 0
• 0
• 4
• 0