MZKC pastavić rasijskaj abaronnaj kampanii šasi dla rakietnych kompleksaŭ
Minski zavod kołavych ciahačoŭ zaklučyŭ kantrakt z maskoŭskaj kampanijaj «Abarončyja sistemy». Rasijski zakazčyk pavinien atrymać 30 śpiecyjalnych aŭtamabilnych płatformaŭ, na jakich možna raźmiaščać zienitnyja rakiety, radary i kamandnyja punkty. Pastaŭki raźličanyja da 2029 hoda.
Abjadnańnie byłych siłavikoŭ BELPOL atrymała dakumienty pra novy kantrakt pamiž Minskim zavodam kołavych ciahačoŭ i rasijskim pradpryjemstvam «Abarončyja sistemy», jakoje pracuje ŭ abaronnaj pramysłovaści.
Pavodle apublikavanych źviestak, MZKC pavinien pastavić rasijskaj kampanii 30 šasi:
- 20 adzinak MZKC-8021-021;
- piać MZKC-8022-021;
- piać MZKC-80211-021.
Šasi — heta śpiecyjalnaja ciažkaja mašyna biez ustalavanaha bajavoha abstalavańnia. Na takuju płatformu zakazčyk moža pastavić rakietnuju ŭstanoŭku, radyjołakacyjnuju stancyju, punkt kiravańnia abo inšaje vajskovaje abstalavańnie.
Na sajcie samoha vytvorcy paznačana, što šasi siamiejstva 8021 vykarystoŭvajucca dla raźmiaščeńnia puskavych ustanovak, radaraŭ i kamandnych punktaŭ zienitna-rakietnaha kompleksu «Piačora-2M». Heta madernizavanaja viersija savieckaj sistemy S-125, pryznačanaj dla źniščeńnia samalotaŭ, kryłatych rakiet i inšych pavietranych celaŭ.
BELPOL źviartaje ŭvahu na termin kantrakta. Pastaŭki da 2029 hoda aznačajuć, što havorka idzie nie pra razavuju partyju, a pra supracoŭnictva, raźličanaje na niekalki hadoŭ.
MZKC znachodzicca pad sankcyjami Jeŭrasajuza, ZŠA, Vialikabrytanii, Kanady, Ukrainy i šerahu inšych krain. Abmiežavańni ŭvodzilisia ŭ tym liku praz supracoŭnictva pradpryjemstva z rasijskim vajskova-pramysłovym kompleksam i vykarystańnie biełaruskich šasi ŭ rakietnych sistemach.
-
HUR nazvała biełaruskija pradpryjemstvy, jakija ŭdzielničajuć u stvareńni rasijskaha anałaha Starlink
-
Palčys: Pratasievič navat nie pasprabavaŭ złamać telefon i noŭtbuk, vykinuć ich u tualet — što zaŭhodna
-
«Navičkam dajecca karotkaja viza — 15‑30 dzion». Biełarusy dzielacca, jak Italija ciapier vydaje vizy
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy22
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
takija šasi nichto bolš nie ŭmieje rabić. pamiatajecie jak maskali cisnuli na sipataha i chacieli vykupić mzkc? niezhibajemy vytrymaŭ. maskali raspracavali na kamazie płatformu 0. I jana nie pajechała. Prajekt zakinuli.
Tamu maskali zaŭsiody kuplali i buduć kuplać.