U Biełarusi pradajuć lehiendarny Rolls-Royce 1977 hoda. U takoj viersii było vypuščana ŭsiaho 500 mašyn. Kolki prosiać?
Heta adziny aŭtamabil marki Rolls-Royce, jaki ciapier jość u prodažy ŭ Biełarusi.
Raskošny bieły Rolls-Royce Silver Shadow 2 źjaviŭsia ŭ prodažy ŭ Hrodnie. Aŭtamabil byŭ vypuščany ŭ červieni 1977 hoda.
Pad kapotam u jaho staić V8 abjomam 6,75 litra, mahutnaściu 192 k. s., jaki pracuje ŭ pary z aŭtamatyčnaj karobkaj pieradač. Zajaŭleny prabieh aŭtamabila, jakomu naleta spoŭnicca 50 hadoŭ, składaje ŭsiaho 17 542 kiłamietry.
Aŭtamabil maje maksimalna raskošny pa tych mierkach sałon. Tut tolki naturalnaje dreva i skura. Styrno taksama draŭlanaje.
Niahledziačy na ŭzrost, u mašynie elektryčnaje ŭsio, što tolki mahło być takim u 1970-ch.
Miarkujučy pa ščytku pryboraŭ ź milami i dadatkovych habarytnych lampach na kuzavie, pieršapačatkova aŭtamabil byŭ vyrableny dla paŭnočnaamierykanskaha rynku.
Na zdymkach jość šyldzik, na jakim napisana, što heta aŭtamabil limitavanaj viersii, i 18 z 500 aŭto ŭ takim vykanańni.
Ahułam ža Rolls-Royce Silver Shadow 2 vypuskali z 1977 da 1980 hoda. Za hety čas było zroblena 8 425 štuk.
Madel Rolls-Royce Silver Shadow stała davoli papularnaj u kiniematohrafie. Takija aŭto źjaŭlajucca adrazu ŭ niekalkich filmach pra ahienta 007.
Aŭtamabil pieršaha pakaleńnia (možna skazać, darestajlinhavy) byŭ ciaham 22 hadoŭ va ŭłasnaści pryncesy Marharet. Taksama Rolls-Royce Silver Shadow byŭ va ŭłasnaści Fredzi Mierkjury, jaki nabyŭ sabie taki aŭtamabil 1974 hoda vypusku i na jakim pierasoŭvaŭsia razam z kiroŭcam bolš za dziesiacihodździe — až da śmierci ŭ 1991 hodzie.
Za lehiendarny luksavy siedan u Biełarusi prosiać $66 tysiač.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Nie vyviezš, nie prodaš, na Ruśniu tolko darom, jeśli DTP 99% iznos, v kasku niepodjemnaja cyfra.
Odno ostajetsia konsiervacija i ždať, poka Łuka vmiestie s Pujem kopyta otkinut .