U stalicy Kienii Najrobi dniom 23 kastryčnika abrynuŭsia vysoki šmatpaviarchovy budynak, jaki jašče budavaŭsia, piša Bi-bi-si.
Na videazapisach vidać, jak spačatku abrynuŭsia nižni pavierch, a zatym i ŭsia kanstrukcyja. Nad prylehłymi vulicami padniałosia vobłaka pyłu. Jak paviedamlajecca, budynak mieŭ 18 pavierchaŭ.
U momant abrušeńnia na vierchnich pavierchach pracavali dziasiatki budaŭnikoŭ. Častka fasada jašče była akružanaja budaŭničymi ryštavańniami.
Pradstaŭnik Ministerstva ŭnutranych spraŭ Kienii Kipčumba Murkomien paviedamiŭ, što z 67 budaŭnikoŭ, jakija znachodzilisia ŭ budynku, 66 zmahli vyjści biez traŭmaŭ. Jašče adzin rabotnik atrymaŭ paškodžańni, jakija nie pahražajuć jaho žyćciu.
Paviedamlajecca, što paśla hetaha zdareńnia źnikli prynamsi 7 čałaviek. Miarkujecca, što źnikłyja ludzi mahli znachodzicca ŭ kramach kala padmurka budynka. Pa słovach čynoŭnikaŭ, na nižnich pavierchach užo pracavali 11 kramaŭ. Paśla źjavilisia paviedamleńni, što dvuch čałaviek udałosia znajści žyvymi, piaciarych pa-raniejšamu šukajuć.
Ratavalniki pracujuć u rajonie Istli, dzie bietonnyja pierakryćci abrušanaha budynka lažać adno na adnym. Kab dabracca da ludziej, jakija mohuć znachodzicca pad abłomkami, jany razrazajuć mietaličnyja kanstrukcyi.
Jak paviedamlaje hazieta Daily Nation, ratavalniki spynili rasčystku zavałaŭ z dapamohaj ekskavataraŭ. Isnujuć aściarohi, što vykarystańnie ciažkaj techniki moža pierakryć dostup pavietra da ludziej, jakija apynulisia pad abłomkami.
Nacyjanalnaje ŭpraŭleńnie budaŭnictva Kienii paviedamiła, što vyznačyła kampaniju-zabudoŭščyka, a taksama architektara i inžyniera-kanstruktara, jakija pracavali nad prajektam. Adnak viedamstva nie ŭdakładniła, ci pravodzilisia pravierki budaŭničaj placoŭki da abrynańnia.
Hubiernatar Najrobi Džonsan Sakadža zajaviŭ miascovym ŚMI, što ŭładalniki budynka nie mieli nieabchodnych dakumientaŭ dla jaho vykarystańnia. Jon zaklikaŭ pašyryć paŭnamoctvy miascovych uładaŭ, kab jany mahli bolš žorstka karać zabudoŭščykaŭ, jakija nie vykonvajuć zaćvierdžanyja prajekty i normy biaśpieki.
Abrušeńni budynkaŭ u Najrobi zdarajucca nie redka. Siarod asnoŭnych pryčyn takich zdareńniaŭ zvyčajna nazyvajuć nizkuju jakaść budaŭnictva i parušeńni pry płanavańni.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec115
Kamientary