U Hrodnie znosili skład i abrynuli častku ściany na prajeznuju častku. Askiepki paškodzili aŭtamabil
U Hrodnie padčas rabot pa znosie nieekspłuatavanaha składskoha pamiaškańnia častka ściany i askiepki vylecieli za miežy aharodžanaj zony i ŭpali na prajeznuju častku. Momant padzieńnia kiroŭcy źniali na videa, paviedamlaje telekanał «Hrodna Plus».
Jak paviedamili ŭ «Hrodnažyłbudzie», arhanizacyja pravodziła płanavyja raboty pa znosie budynka. Zona, u jakoj byŭ abmiežavany ruch piešachodaŭ, była zahadzia ŭzhodnienaja z DAI.
Padčas rabot častka askiepkaŭ apynułasia za miežami aharodžy. U vyniku byŭ paškodžany aŭtamabil. Na miesca prybyli supracoŭniki DAI i aformili zdareńnie dakumientalna.
U arhanizacyi taksama adznačyli, što mierkavanuju zonu mahčymaha abvalvańnia zahadzia abharadzili płotam. Z dvuch bakoŭ vystavili rabotnikaŭ, jakija pavinny byli nie dapuskać ludziej u niebiaśpiečnuju zonu i nakiroŭvać ich u abychod.
Kamientary