Hieroj karciny (Piotar Mamonaŭ) padčas vajny, kab vyratavać žyćcio, zabivaje siabra. I voś užo tryccać hadoŭ u manastyry jon kajecca Bohu za svoj hrech.
Hieroj karciny (Piotar Mamonaŭ) padčas vajny, kab vyratavać žyćcio, zabivaje siabra. I voś užo tryccać hadoŭ u manastyry jon kajecca Bohu za svoj hrech.
Pavał Łunhin zrabiŭ film, dzie hałoŭnaja tema — śviataść, a hieroi stužki — pravasłaŭnyja manachi. U kožnaha z hierojaŭ — svoj šlach da Boha. Anatol — u hienijalnym vykanańni Piatra Mamonava — heta jurodzivy z kaskadam atrakcyjonaŭ i pakutlivym bolem u vačoch.
Viktar Sucharukaŭ (Fiłaret) — cichmianaja j ciopłaja śviataść, jakaja ŭsio prabačaje j usio daruje (vybitny kantrast z papiarednimi rolami aktora). Hieroj Dźmitryja Dziužava, chacia nia maje nadzvyčajnych daroŭ, — haspadarnik i administratar.
U manastyr ciahnucca j ciahnucca ludzi sa svaim bolem i prablemami. Kožny vizyt pieraŭtvarajecca ŭ cud i nienaviaźlivaje pavučańnie — z usimi adcieńniami narodnaha chryścijanstva.
Jak pakazać na ekranie malitvu? Śviataść? Prysutnaść Boha?
Na palcach adnoj ruki možna pieraličyć karciny, dzie heta napoŭnicu atrymałasia.
Pavał Łunhin — daloka nie Tarkoŭski i nie Breson. Jon karystajecca halivudzkimi metadami, robić akcent na dramaturhii j vonkavaj vidoviščnaści. Jahonyja karciny (pačynajučy z “Taksi-bluzu”, kali ŭpieršyniu skłaŭsia duet Łunhina i Mamonava) — heta sensacyjnyja maralnyja prablemy — i tłustaje ich padkreślivańnie.
Duchoŭnyja asoby mo papraknuć Łunhina niedakładnaściu ŭ asobnych detalach. Kinaestety nakinucca na režysera z kułakami za tandetnaść i ślozavyciskalnaść.
Ale ci nie zašmat patrabavańniaŭ da lemantara — dzie jaskravymi farbami vyviedzienyja tolki pieršyja litary?
Hrech, pakajańnie, daravańnie...
Idziecie j pahladziecie.
Seansy ŭ Miensku: “Mir” 12—13 śniežnia a 18.30 i 20.40, 14—17 śniežnia a 18.30.
Vyspa (Ostrov).
Rasieja, 2006, kalarovy, 112 chv.
Režyser: Pavał Łunhin.
Roli vykonvajuć: Piotar Mamonaŭ, Viktar Sucharukaŭ, Dźmitry Dziužaŭ, Nina Ŭsatava.
Žanr: drama.
Adznaka: 7 (z 10)
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary