Škada, što my nie majem takoj manarchii, jak brytancy.
Viasielle budučaha brytanskaha karala (a prync Vilhielm — druhi ŭ čarzie da trona i zvažajučy na niepapularnaść jahonaha baćki Karła ź vialikaj dolaj vierahodnaści zrobicca nastupnym karalom) — reč vartaja taho.
Nie skazać, kab śviatočnyja mierapryjemstvy nie pakidali ŭražańnia karciny sa staražytnych časoŭ, dzie manaršaja asoba ženicca ci śviatkuje jubilej, i z hetaje nahody chałopam vykatvajuć na rynkavuju płošču bočki ź biaspłatnym pivam i pryhaniajuć skamarochaŭ. Abmierkavańnie sukienki Kiejt Midłtan i pryčoski Vilhielma ci prynca Harry, śviatočnaje šalenstva sa ściahami i partretami — mnie składana emacyjna zrazumieć ŭsio heta, bo maładyja nie źjaŭlajucca ŭvasableńniem majoj historyi i majoj krainy.
Chacia, z druhoha boku, biez karala chiba my robimsia mienšymi chałopami, napivajučysia na 9 traŭnia ci jakiś dzień horada? Ci jakoje paraŭnańnie moža być z vykštałconaj brytanskaj manarchijaj (ci navat rasiejskaj uzora stohadovaj daŭniny) kali vyrazny, u najhoršym sensie hetaha słova chałop robicca hałavoj dziaržavy i nie razvažaje ab tym, kab niejak źmianić svaje chałopskija maniery i kiraŭničy styl?
U łondanskich antykvarnych kramach možna znajści suvieniry z karaleŭskaha viasiella Čarlza i Dyjany ŭ 1981 h. ci viasiellaŭ 100–150 hadoŭ tamu, albo z karanacyi Alžbiety II ci jaje papiarednikaŭ.
U Maskvie davodziłasia bačyć takija ž suvieniry z karanacyi Mikałaja II. Z toj roźnicaj, što ŭ Brytanii historyja praciahvajecca, a
naša postsavieckaje hramadstva za apošnija sto hadoŭ ŭžo dva razy cisnuła knopku «Reset» na svajoj ułasnaj historyi. Što tyčycca Biełarusi i Rasiei, hetaja knopka pierad vačyma našaha z vami pakaleńnia budzie nacisnutaja minimum jašče adzin raz.
Budučy adnačasova adnoj z apošnich u śviecie manarchij, Brytanija adnačasova zastajecca i adnoj z najstarejšych u śviecie realna funkcyjanujučych demakratyj. Elita hramadstva i adpačatku ŭdała skłaŭšysia hramadski ład — jak staroje vino, čym starej, tym jakaśniej. Škada, što my nie majem takoj manarchii, jak brytancy.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary