U mai biełarusy raschapali ŭsie kvitki na listapadaŭski kancert rasijskaha pop-śpievaka ŭ Minsku. Ciapier Biłan abviaściŭ dadatkovy kancert — i kvitki na 15‑tysiačnuju «Minsk-Arenu» znoŭ raźbirajuć.
Spačatku płanavałasia, što Biłan vystupić na «Minsk-Arenie» tolki 14 listapada. Za paŭhoda da zapłanavanaj daty, 14 maja, u sacsietkach śpievaka abviaścili pra sołd-aut. A tyja, chto nie paśpieŭ uchapić kvitok, pačali prasić pra dadatkovy kancert.
I Biłan ich pačuŭ. Dniami ŭ sacsietkach biletnaha apieratara Ticketpro źjavilisia źviestki, što 13 listapada, pierad asnoŭnym šou, śpiavak zładzić jašče adzin kancert na «Minsk-Arenie». Achvotnych znoŭ šmat — zastałosia prykładna 20% kvitkoŭ.
U kamientarach instahrama Ticketpro, adnak, žartujuć pra chaduli i pytajucca pra pamier sceny. Sprava ŭ tym, što Biłan trapiŭ u vialiki skandał.
31 lipienia jon zładziŭ vialikaje šou ŭ Maskvie, ale sotni hledačoŭ prosiać viarnuć hrošy za kvitki. Zamiest sceny zvykłaha farmatu, dzie vystupoŭca i hledačy bačać adno adnaho, na tym kancercie pastavili vysačeznuju płatformu vyšynioj niekalki mietraŭ. Uładalniki darahich kvitkoŭ u fan-zonu ŭ vyniku hladzieli ŭvieś kancert nie na Biłana, a ŭ płatformu-ścianu.
«Naša Niva» — bastyjon biełaruščyny
PADTRYMAĆBiełarusy razabrali ŭsie kvitki na Dzimu Biłana ŭ «Minsk-Arenu» — i heta za paŭhoda da kancerta
Tancy, namioty, doždž i viasiołka. Jak prajšoŭ pieršy dzień fiestyvalu Viva Braslav
U «Minsk-Arenu» na kancert Dzimy Biłana nabiŭsia tłum narodu. Hledačy skardziacca na prablemy z kvitkami i pavodziny inšych
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary