Siaržuk Paŭlukievič: Jak mianie vierbavali i katavali — videa

Administratar supołki «My za Vialikuju Biełaruś» vkontakte.ru Siaržuk Paŭlukievič vykłaŭ u internecie videazvarot. U im jon raskazvaje, jak 14 lipienia 2011 h. jaho ŭ Žodzinskaj turmie z prymianieńniem katavańniaŭ prymusili padpisać damovu ab supracoŭnictvie z KDB.

Sajt Charter97.org pryvioŭ tekst videazvarotu całkam.

«Ja, Paŭlukievič Siarhiej Viktaravič, źjaŭlajusia zasnavalnikam supołki «My za Vialikuju Biełaruś».

1 lipienia 2011, niezakonna prasłuchoŭvajučy moj chatni telefon, śpiecsłužby daviedalisia majo dakładnaje miescaznachodžańnie, u peŭny čas vykrali mianie ŭ ludnym miescy. Skłaŭšy «lipavy» pratakoł, iłžyva śviedčačy ŭ sudzie, mianie niezakonna aryštavali na 15 sutak. Adrazu ž skrali moj telefon i moj pašpart, jakija tak i nie addali.

14 lipienia 2011 h., u pieršaj pałovie dnia, jak mnie potym paśla vyzvaleńnia stała viadoma, maju maci zabrali z pracy supracoŭniki KDB i vajennaj raźviedki i na našaj kvatery byŭ praviedzieny niezakonny pieratrus biez sankcyi, biez paniatych, biez aficyjnych dakumientaŭ kanfiskacyi kamputara ŭ vielmi nachabnaj , samaŭpraŭnych formie, ź pieravyšeńniem słužbovych paŭnamoctvaŭ i parušeńniem šerahu zakonaŭ. U vyniku, za 1 dzień u nas na kvatery ź pieratrusam pabyvali 2 razy. U pieršy raz zabrali kamputar. Druhi pieratrus adbyŭsia ŭžo ŭ druhoj pałovie dnia, paśla maich katavańniaŭ u žodzinskaj turmie, dzieści pad viečar, šukali maju fłešku, tajemna vykrali dvie telefonnyja SIM-karty i viarnuli kamputar, pry hetym u im adfarmatavali ŭsie dyski z usioj asabistaj infarmacyjaj.

U hety ž dzień, 14 lipienia 2011 h., u druhoj pałovie dnia ŭ Žodzinskaj turmie, dzieści ŭ 15:00 mianie pačali katavać.

Jak mianie katavali?

Zaviali ŭ kabiniet, u jakim byli dva čałavieki ŭ maskach i humovych palčatkach, jak jany potym skazali, jany byli z vajennaj raźviedki, adrazu ž bieź jakich by to ni było hutarak abo pytańniaŭ pastavili mianie da ściany, ruki za śpinu, nadzieli kajdanki, zacisnuŭšy ich nakolki heta było mahčyma, nadzieli na hałavu cełafanavy pakiet i stali dušyć.

Potym pakłali mianie žyvatom na padłohu, adzin ź ich sieŭ zzadu na mianie, pierakryŭ dychańnie pakietam i ŭziaŭšy za padbarodak dvuma rukami, pačaŭ mianie raściahvać nakolki heta było mahčyma, tak, što ja nie moh navat huku vymavić, adnačasova druhi chadziŭ i dušyŭ svajoj nahoj maje nohi, kostki, plečy, naciskajučy tak, kab zrabić jak maha bolš baluča. Usio heta supravadžałasia prynižeńniem majoj asoby, psichałahičnym ciskam, pahrozami zabić ci pakalečyć, šantažom prymianieńnia katavańniaŭ u adnosinach da maich rodnych, jakoje supravadžałasia vykazvańniami niedarečnych paranaidalnych teoryj zmovy žydamasonskaha tołku. Bili pa śpinie, pa žyvacie, usio rabiłasia tak, kab nie zastavałasia śladoŭ. Bili pa vierchavinie hałavy. Zaciskali čymści biezymienny palec levaj ruki, źniamieńnie nie prajšła da hetaha času. Uziaŭšy dvuma palcami za moj kadyk, adzin ź ich zacisnuŭ jaho i jak by staŭ ciahnuć jaho, paśla hetaha mnie było baluča hłynać navat ślinu. I viadoma pastavili na raściažku, amal na špahacie, z kajdankami na rukach, pakietam na hałavie ja prastajaŭ kala 2-3 hadzin i ŭ takim stanie mianie dapytvali, paśla čaho ŭ mianie ŭsio tak zaciakło, što mianie pryjšłosia padymać, tak jak samastojna ja ŭžo nie moh skranucca ź miesca.

Što im było ad mianie treba?

Pa-pieršaje, jany prymusili addać im dostup da majho akaŭnta «Vkontaktie», kab kantralavać hrupu «My za Vialikuju Biełaruś» i sustreču «Marš miljonaŭ».

Pa-druhoje, jany prymusili mianie padpisać pahadnieńnie ab supracoŭnictvie z KDB.

Pa-treciaje, jany prymusili mianie ahučyć tekst u ich karyść, jaki nibyta dyskredytuje mianie i inšych asob na videakamieru, jaki, ja dumaju, źjavicca paśla taho, jak usio heta stanie viadoma. Ja vyrašyŭ adrazu z usim pahadžacca, kab vyjści i ź biaśpiečnaha miesca ŭsio raskazać, tamu što tam tolki dva varyjanty — zhadžacca abo pasprabavać na sabie jašče bolš balučyja i daskanałyja mietady katavańniaŭ.

Ja aficyjna zajaŭlaju ab razryvie damovy ab supracoŭnictvie z KDB, jakoje było padpisana 14 lipienia 2011 h paśla katavańniaŭ, šantažu, pahroz mianie zabić abo mocna pakalečyć, adabrać u našaj siamji kvateru, vyhnać z pracy ŭsich členaŭ siamji, užyvać inšyja formy represij suprać maich rodnych , u tym liku, i pahrozy katavańniaŭ. Ja nikoli nie byŭ sieksotam i nikoli nie adydu ad svaich pryncypaŭ. Ja nikoli nie supracoŭničaŭ ni ź jakimi śpiecsłužbami i nie źbirajusia adychodzić ad svaich pryncypaŭ. Ja patrabuju, kab prakuratura Respubliki Biełaruś raspačała kryminalnyja spravy pa artykułach 128 «Złačynstva suprać biaśpieki čałaviectva»; art.182 č.2 p.6 «Vykradańnie čałavieka»; art. 185 «Prymus»; art.202 č.2 «Parušeńnie niedatykalnaści žylla i inšych zakonnych uładańniaŭ hramadzian»; art.203 č.2 «Parušeńnie tajamnicy pierapiski, telefonnych pieramovaŭ, telehrafnych ci inšych paviedamleńniaŭ»; art.206 č.2 «Rabavańnie»; art.397 č.1 «Zahadzia niezakonnaje zatrymańnie ci zaklučeńnia pad vartu»; art.398 «Praviadzieńnie zahadzia niezakonnaha pieratrusu»; art.401 č.1 «Zahadzia iłžyvaje pakazańnie».

Zaraz kantrol nad našaj hrupaj praz administracyju sietki «Vkontaktie» adnoŭleny».

Hladzi taksama: Siaržuk Paŭlukievič: «Ja — heta nasamreč ja, a nie ahient KDB»

• 0
• 0
• 0
• 0
• 0
• 0
• 0
• 0