Arhanizatary abiacajuć «80–90% biełaruskaj estrady».
«U hetym hodzie my vyrašyli adsotkaŭ na 80–90 źviarnucca da biełaruskaj estrady, biełaruskaha šlahiera», — paviedamiŭ pieršy namieśnik načalnika ŭpraŭleńnia kultury Mahiloŭskaha abłvykankama Ihar Kuźniacoŭ. Pavodle jaho słoŭ, mienavita heta adroźnivaje ciapierašni fest ad papiaredniaha, jaki adbyŭsia ŭ 2009 hodzie.
Pašyryŭsia taksama i śpiektr žanraŭ, u jakich vystupajuć vykanaŭcy ad narodnaj muzyki da kłasiki.
3 kastryčnika ŭ muzyčnym kaledžy imiaRymskaha-Korsakava vystupiŭ aktet salistaŭ kamiernaha ansambla «Salisty Maskvy» pad kiravańniem Juryja Bašmieta. 4 kastryčnika ŭ Pałacy kultury projdzie kancert hurta «J_Mopc», a ŭ kancertnaj zale «Mahiloŭ» adbudziecca moładzievaje šou «Šlahier šukaje talenty».
Uračystaje adkryćcio fiestyvalu zapłanavana na 6 kastryčnika ŭ Pałacy kultury vobłaści. U im voźmuć udzieł Andrej Razin, Mikałaj Skorykaŭ, Jakaŭ Navumienka, Eduard Chanok, Iskui Abalan, Łarysa Hrybalova, Saša Niema, Alaksandr Saładucha, ansambli «Čaraŭnicy», «DaVinčy», «Vierasy», «Pieśniary», «Alaksandraŭ park» i inš
U prahramie fiestyvalu nie tolki muzyčnyja vystupy. 5 kastryčnika ŭ abłasnym mastackim muziei imia Paŭła Maślenikava adkryjecca vynikovaja vystava XVI Mižnarodnaha plenera pa žyvapisie «Vobraz Radzimy ŭ vyjaŭlenčym mastactvie».
6 kastryčnika ŭ kinateatry «Radzima» adbudziecca tvorčaja sustreča z stvaralnikami viadomaha filma «Biełyja rosy». 8 kastryčnika na placoŭcy kala muzieja etnahrafii budzie arhanizavana praca padvorkaŭ i słavianskich kuchniaŭ.
Dastatkova šyrokaj źjaŭlajecca i hieahrafija fiestyvalu. Mierapryjemstvy, jakija pravodziacca ŭ jaho ramkach, projduć
nie tolki ŭ Mahilovie, ale i ŭ Babrujsku, Kiraŭsku, Asipovičach, Bychavie.
Uračystaje zakryćcio fiestyvalu pryznačanaje na 9 kastryčnika. U im voźmuć udzieł Ina Afanaśjeva, Iryna Darafiejeva, Iskui Abalan, Rusłan Alachno, Piotr Jałfimaŭ, Alona Łanskaja, Ivan Busłaj i inš
Usiaho, pa słovach Kuźniacova, u fiestyvali
voźmuć udzieł bolš za dźvie tysiačy artystaŭ — jak prafiesijnych, tak i samadziejnych.
Na ciapierašnim fiestyvali nie praduhledžanaja konkursnaja prahrama, «tamu što zajavak nie było». U toj ža čas Kuźniacoŭ nie vyklučaje praviadzieńnia konkursaŭ u ramkach «Załatoha šlahiera» ŭ budučyni.
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary