Колькасць людзей, якіх праслухоўваюць у Расіі, за 8 гадоў вырасла з 270 да 840 тысяч
У 2015 годзе ў Расіі суды выдалі дазволы на праслухоўванне амаль 850 тысяч чалавек.
Звесткі пра гэта апублікаваў расійскі грамадскі дзеяч Аляксей Навальны ў сваім блогу.
Ён піша, што гэтая лічба няўхільна расце. У 2007 годзе такія дазволы былі выдадзеныя прыкладна на 270 тысяч чалавек. У 2011-м — на 470. А да 2015-га лічба вырасла яшчэ амаль удвая.
Праслухоўваюць 1,15% эканамічна актыўнага насельніцтва, піша Навальны. «У нас, атрымліваецца, па вуліцах блукае мільён чалавек, якіх падазраюць ва ўдзеле ў сур'ёзных злачынствах?» — рытарычна пытаецца ён
«Лічбы неймаверныя, — працягвае Навальны. — Можна параўнаць іх з ЗША, дзе таксама сядзяць тыпу аматары паслухаць тэлефоны. Федэральныя суддзі і суддзі штатаў сумарна выдалі 4148 дазволаў за 2015 год».
Гэта ў сотні разоў менш, чым у Расіі.
«Праслухоўваюць ўсіх. Параноікі, вы маеце рацыю. Прабачце, што не давяраў», — робіць выснову Навальны.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары