Грамадства11

Сын прэзідэнта Зімбабвэ, меркавана, лячыўся ў Беларусі ад наркатычнай залежнасці

Паводле інфармацыі журналістаў, на наркотыкі Колінза Мнангагву падсадзіла яго другая жонка.

Колінз Мнангагва. Фота: collins.mnangagwa.2025 / Facebook

Колінз Мнангагва, сын прэзідэнта Зімбабвэ Эмерсана Мнангагвы, праходзіў у Беларусі лячэнне ад наркатычнай залежнасці, піша Reform.news са спасылкай на зімбабвійскае выданне Zimlive.

«Паводле слоў крыніц, Колінз Мнангагва нядаўна быў адпраўлены ў Беларусь на рэабілітацыю пасля таго, як ён нібыта ўцягнуўся ў наркотыкі, якімі, як сцвярджае яго сям'я, яго забяспечвала Тафірэніка», — сцвярджае выданне.

Паводле інфармацыі журналістаў, на наркотыкі Колінза Мнангагву падсадзіла яго другая жонка Келсі Тадзіва Тафірэніка.

5 жніўня 22‑гадовая дзяўчына паўстала перад судом для абрання меры стрымання па справе аб продажы наркотыкаў. Падчас вобшуку 4 жніўня паліцыя знайшла ў яе дома і ў машыне петыдзін, марфін і каноплі. Іх кошт ацанілі ў 204 даляры.

Паводле інфармацыі Zimlive, першая лэдзі Зімбабвэ Аксілія Мнангагва асабіста патрабавала арышту Тафірэнікі, а таксама мае намер дамагацца вяртання некалькіх дамоў, якія, як яна сцвярджае, дзяўчына набыла на грошы яе сына і без яго ведама.

Колінз Мнангагва быў у Беларусі мінімум адзін раз. У 2023 годзе ён прыязджаў у Мінск разам з маці і братам-блізнюком Шонам. Яны сустрэліся з міністрам замежных спраў Сяргеем Алейнікам і бізнэсменам Аляксандрам Зінгманам.

Колінз Мнангагва вучыўся ў Кітаі, а затым заснаваў кампанію па здабычы золата ZimCN Investments сумесна з кітайскім партнёрам. Мясцовыя СМІ абвінавачвалі сына прэзідэнта ў запалохванні суддзяў і кантрабандзе золата.

Каментары1

  • Оруэлл обзавидуется
    08.08.2026
    У скотных дворов и больнички общие открыты ?

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць